Հայաստանում կապի և ՏՀՏ վիճակագրական ռեգիստր կստեղծվի
ԵՐԵՎԱՆ, 19 հուլիսի. /ԱՌԿԱ/. ՀՀ տրանսպորտի և կապի նախարարությունը կապի և տեղեկատվական-հաղորդակցական տեխնոլոգիաների ոլորտի ցուցանիշների վարչական վիճակագրական ռեգիստր կստեղծի, հայտնեց Տրանսպորտի նախարարության ղեկավարի տեղակալ Հրանտ Բեգլարյանը:
ՀՀ կառավարությունը հինգշաբթի կայացած նիստի ժամանակ կապի և ՏՀՏ ոլորտի տվյալների հավաքման և վարչական վիճակագրական ռեգիստրի ներմուծման կարգ է սահմանել:
Կառավարական որոշման համաձայն` Կրթության և գիտության, առողջապահության, էկոնոմիկայի, ֆինանսների նախարարությունները, ինչպես նաև Հայաստանի հանրային ծառայությունները կարգավորող հանձնաժողովը պարտավոր են մինչև 2013թ.-ի փետրվարի 20-ը Տրանսպորտի և կապի նախարարություն ներկայացնել իրենց ոլորտների կապի և ՏՀՏ ոլորտի ցուցանիշները:
Ինչպես նշեց ՀՀ վարչապետ Տիգրան Սարգսյանը, տվյալ որոշումը հատկապես կարևոր է Հայաստանի վերաբերյալ էլեկտրակապի միջազգային միություն (ԷՄՄ) ներկայացված տվյալների ամբողջականության ապահովման համար:
Վերջին մի քանի տարիների ընթացքում Հայաստանը ցածր դիրքեր է զբաղեցնում ԷՄՄ կողմից կազմված ՏՀՏ զարգացման ցուցիչում՝ հատկապես տվյալների տրամադրման ուշացման պատճառով: Մասնավորապես 2011թ.-ին Հայաստանը տվյալ ցուցիչով 153 երկրների շրջանում զբաղեցրել է 72-րդ տեղը: -0-