Հայաստանի գյուղնախարարությունը նորացրել է իր կայքը
ԵՐԵՎԱՆ, 12 հունիսի. /ԱՌԿԱ/. Հայաստանի գյուղատնտեսության նախարարությունը հինգշաբթի հայտարարել է minagro.am պաշտոնական թարմացված կայքի գործարկման մասին։
«Վերջապես հասանելի է Հայաստանի գյուղատնտեսության նախարարության պաշտոնական կայքը։ Մենք երկար ժամանակ ենք աշխատել դրա ստեղծման ուղղությամբ և արդեն պատրաստ ենք հանձնել ձեր դատին»,– հայտնում է գերատեսչության մամուլի ծառայությունը։
Կայքի արդիականացման աշխատանքները շարունակվում են ագրոլորտում տեղեկության առավելագույն հասանելիության ապահովման համար։
Ավելի վաղ գյուղատնտեսության փոխնարար Արմեն Հարությունյանը հայտնել էր, որ կայքի նորացմանն էապես օժանդակել է Զարգացման շվեյցարական գործակալությունը։
Թարմացված ռեսուրսում, մասնավորապես, ընդլայնվել է տվյալների բազան, տեղեկությունն օպերատիվ կերպով կթարմացվի, կայքում կարելի կլինի ծանոթանալ նախարարության ձևավորման և կայացման պատմությանը, այդ թվում` բոլոր նախարարների կենսագրություններին։
Հատուկ բաժնում ներկայացված են նախարարության պաշտոնական մարմնի` «Ագրոլրատու» թերթի նյութերը։ -0-