Facebook-ը գործարկում է «Տրենդեր» ֆունկցիան կայքում ակտուալ թեմաներին հետևելու համար
ԵՐԵՎԱՆ, 17 հունվարի. /ԱՌԿԱ/. Աշխարհի խոշորագույն Facebook սոցցանցը գործարկում է Trending ֆունկցիան, որը թույլ կտա հետևել այդ պահին կայքում առավել շատ քննարկվող թեմաները, գրում է digit.ru –ն` հղում անելով Facebook–ին։
Սոցցանցը սկսել է «Տրենդեր» բաժնի փորձարկումը ԱՄՆ–ում կայքի բրաուզերային տարբերակում դեռևս սեպտեմբերին։ Բացի այդ, նախորդ տարի սոցցանցը ներկայացրել է հեշթեգեր։ Հիշեցնենք, որ տրենդերն ու հեշթեգերը Twitter միկրոբլոգերի ամենապահանջված հնարավորություններից են։
Trending բաժինը կգտնվի օգտատիրոջ նորությունների ժապավենի աջ մասում, նրան առաջարկվող ընկերների ցանկի վերևում։ «Նոր ապրանքը ստեղծվել է հետաքրքիր քննարկումներին հետևելու համար, որպեսզի դուք կարողանաք գտնել Facebook–ի լավագույն կոնտենտը»,– նշում են մշակողները` ընդգծելով, որ տրենդերի ընտրության չափորոշիչ կլինի սահմանափակ ժամանակահատվածում հանրաճանաչության կտրուկ աճը։–0–