Facebook–ի հայկական գովազդային դաշտը ոչ մի կերպ չի կարգավորվում. փորձագետ
ԵՐԵՎԱՆ, 19 նոյեմբերի. /ԱՌԿԱ/. Facebook–ի հայկական գովազդային դաշտը ոչ մի կերպ չի կարգավորվում, երեքշաբթի լրագրողներին ասաց «Google Adwords և Goggle Analytics համակարգեր» գիտական ընկերության մարքեթինգի մասնագետ Արմեն Սարգսյանը։
Ըստ նրա` այսօրվա դրությամբ գովազդային վերնագրերը շատ անգամ չեն համապատասխանում գովազդային արտադրանքին և ավելի շուտ էրոտիկ բնույթ են կրում` այցելուներին գրավելու համար։
«Այդ ամենը պայմանավորված է հայկական գովազդի ոչ մեծ շուկայի նկատմամբ Facebook–ի հետաքրքրության բացակայությամբ, ինչը սահմանափակումների կամ թարգետինգի նկատմամբ պահանջների բացակայության է հանգեցնում»,– ասաց Սարգսյանը` ընդգծելով, որ Եվրոպայի շատ երկրներում գոյություն ունեն նման սահմանափակումներ և նույնիսկ տուգանքներ` անգամ մինչև ցանցում գովազդի լիցենզիայի զրկում։
Նա նշեց, որ արդյունքում գովազդատուները բնակչության նկատմամբ ոչ ճիշտ մոտեցում և անհադուրժողական վերաբերմունք են դրսևորում` թույլ տալով անպարկեշտ բնույթի անորակ գովազդ տարածել։
Միաժամանակ նա նշեց, որ տվյալ պահին անպարկեշտ գովազդի պես դրսևորումների դեմ պայքարի մեթոդներ չկան` ընդգծելով, որ դրա համար անհրաժեշտ է լիցենզավորում կիրառել, ինչպես աշխարհի մյուս երկրներում։ –0–