«WebԾիրան» երկրորդ համահայկական առցանց կինոփառատոնը կմեկնարկի նոյեմբերի 20-ին
ԵՐԵՎԱՆ, 12 նոյեմբերի. /ԱՌԿԱ/. «WebԾիրան» երկրորդ համահայկական առցանց կինոփառատոնը կմեկնարկի 2012 թվականի նոյեմբերի 20-ին և կավարտվի դեկտեմբերի 20-ին, «ԱՌԿԱ» գործակալությանը տեղեկացրեցին VivaCell-MTS ընկերության մամուլի ծառայությունից:
Սահմանված է 1 գլխավոր և 2 խրախուսական մրցանակներ: Գլխավոր մրցանակակիրը կպարգևատրվի 300 ԱՄՆ դոլարին համարժեք ՀՀ դրամով և հատուկ դիպլոմով, խրախուսական մրցանակակիրները` 100–ական ԱՄՆ դոլարին համարժեք ՀՀ դրամով և հատուկ դիպլոմով:
Ամենաշատ դիտումներ արձանագրած ֆիլմը կարժանանա «Համակրանք» խրախուսական մրցանակին և հատուկ դիպլոմի:
«WebԾիրան» երկրորդ համահայկական առցանց կինոփառատոնի արդյունքները կհրապարակվեն դեկտեմբերի 20-ից 25-ն ընկած ժամանակահատվածում, հատուկ մրցանակաբաշխության ժամանակ:
Արդյունքները կամփոփի պրոֆեսիոնալ ժյուրին:
«Web Ծիրան» առաջին համահայկական կինոփառատոնն անցկացվել է 2011 նոյեմբերի 15-ից դեկտեմբերի 25-ը:--0-