Հայալեզու .հայ դոմենի գրանցման հնարավորությունը թույլ կտա ճիշտ բրենդավորում իրականացնել. փորձագետ
05.12.2014,
17:51
Հայալեզու .հայ դոմենի գրանցման հնարավորությունը թույլ կտա հայալեզու կայքեր ստեղծողներին ճիշտ բրենդավորում իրականացնել, հայտարարեց տեղեկատվական անվտանգության փորձագետ Սամվել Մարտիրոսյանը։
ԵՐԵՎԱՆ, 5 դեկտեմբերի. /ԱՌԿԱ/. Հայալեզու .հայ դոմենի գրանցման հնարավորությունը թույլ կտա հայալեզու կայքեր ստեղծողներին ճիշտ բրենդավորում իրականացնել, հայտարարեց տեղեկատվական անվտանգության փորձագետ Սամվել Մարտիրոսյանը։
«Հիմա լատինական տառերով հայկական անվանումների գրանցումը որոշ դեպքում հանգեցնում է խնդիրների, քանի որ անգլերենում չկան բոլոր այն հնչյունները, որոնք կան հայկական այբուբենում», – մամուլի ասուլիսի ժամանակ ասաց Մարտիրոսյանը։
Ավելի վաղ հաղորդվում էր, որ .հայ հայալեզու դոմենը կարող է գործարկվել արդեն կես տարուց։
2013 թ.–ի վերջի տվյալներով` .am դոմենային գոտում գրանցված է ավելի քան 21 հազար կայք։–0–