Ադրբեջանցի ցանցահեններն ավելի քան 50 հայկական կայք են կոտրել
ԵՐԵՎԱՆ, 17 հուլիսի. /ԱՌԿԱ/. Ադրբեջանցի ցանցահենները նախորդ գիշեր ավելի քան 50 հայկական կայք են կոտրել, «ԱՌԿԱ» գործակալությանը տեղեկացրեց տեղեկատվական անվտանգության փորձագետ Սամվել Մարտիրոսյանը։
«Գիշերն ավելի քան 50 կայք է կոտրվել, որոնց թվում բավական նշանակալից կայքեր կան։ Շատ հնարավոր է, որ գրոհները կշարունակվեն»,– ասաց Մարտիրոսյանը։
Ըստ նրա` ադրբեջանական կիբերգրոհի հետևանքով գրոհված կայքերի շարքում են` Shant հեռուստաընկերության կայքը, Spyur, Sport.am, Meteo-tv.am, Banker.am, Yerevannews.am տեղեկատվական տեղեկատուները, Գիտությունների ազգային ակադեմիայի կայքը, Деловой Экспресс թերթը և այլն։
Փորձագետը ենթադրում է, որ ցանցահենները կարողացել են կոտրել այդ կայքերը, քանի որ մշակող ընկերությունների մոտ որևէ խոցելիություն են գտել` հաշվի առնելով, որ կոտրված ռեսուրսներից շատերը մշակվել են միևնույն ընկերության կողմից։ –0–