Հուլիսից Լոնդոնի մետրոյում անվճար wi-fi կգործի

Այս տարվա հուլիսից Լոնդոնի մետրոյի ուղևորները հնարավորություն կունենան անվճար օգտվել wi-fi-ից, նշվում է Transport for London (TfL) ընկերության տեղեկատվության մեջ:ԵՐԵՎԱՆ, 15 մարտի. /ԱՌԿԱ/. Այս տարվա հուլիսից Լոնդոնի մետրոյի ուղևորները հնարավորություն կունենան անվճար օգտվել wi-fi-ից, նշվում է Transport for London (TfL) ընկերության տեղեկատվության մեջ:

Անլար ինտերնետով մետրոպոլիտենն ապահովելու պայմանագիրը ստացել է Virgin Media ընկերությունը, որը խոստանում է ամռանն ինտերնետով ապահովել 80 կայարանները, իսկ մինչև տարեվերջ` 120 կայարաններրը, հաղորդում է «ՌԻԱ Նովոստին»:

Սկզբնական շրջանում Օլիմպիական և Պարալիմպիկ խաղերի ժամանակ մետրոյում wi-fi-ն անվճար կլինի: Խաղերից հետո այն կշարունակի գործել վճարովի հիմքով: Օգտագործման հատուկ պայմաններից կարող են օգտվել Virgin ընկերության հաճախորդները: Իսկ նրանք, ովքեր չեն վճարի ծառայության դիմաց, հնարավորություն կունենան օգտվել մետրոյի աշխատանքի մասին տեղեկատվություն պարունակող կայքից:

Պայմանագրով նախատեսված է, որ wi-fi կապ կգործի մետրոպոլիտենի դրամարկղերի մոտ, շարժասանդուղքների և կայարանների կառամատույցների վրա: Թունելներում ինտերնետ չի լինի, քանի որ դա լուրջ շինարարական աշխատանքներ կպահանջի:

Մետրոյում ինտերնետի գործարկման սարքավորումների տեղադրմամբ կզբաղվեն մետրոպոլիտենի աշխատակիցները, սակայն բոլոր ծախսերը կներառվեն կոմերցիոն պայմանագրի մեջ:-0-