«ԱրմենՏելը» ինտերնետի կրկնակի ծավալ «My Beeline Armenia» բջջային հավելվածի միջոցով բաժանորդներին կտրամադրի

ԵՐԵՎԱՆ, 15 ապրիլի./ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) գործարկել է My Beeline Armenia բջջային հավելվածի նոր հնարավորությունները, հաղորդեցին ընկերության մամուլի ծառայությունից։

Ըստ հաղորդագրության` ապրիլի 8-ից մինչև մայիսի 31-ը ներառյալ Beeline կանխավճարային հաշվարկային համակարգի բաժանորդները «My Beeline Armenia» հավելվածի միջոցով Mega շարժական ինտերնետի ծառայությունները միացնելու դեպքում կստանան գերարագ ինտերնետի կրկնակի ծավալ:

Մասնավորապես, «Mega 150+», «Mega 300+» և «Mega 500+» շարժական ինտերնետի ծառայությունների բաժանորդներն օրական կստանան համապատասխանաբար 300 ՄԲ, 600 ՄԲ և 1000 ՄԲ ծավալով գերարագ ինտերնետ՝ 150 ՄԲ, 300 ՄԲ և 500 ՄԲ փոխարեն։ Ծառայությունների արժեքը մնում է անփոփոխ, դրանք կտրամադրվեն համապատասխանաբար 90 դրամ, 150 դրամ և 200 դրամ օրավարձով:

«Mega 150+», «Mega 300+» և «Mega 500+» ծառայությունները կարելի է միացնել My Beeline Armenia բջջային հավելվածի միջոցով` «Հատուկ առաջարկ» բաժնից կամ անձնական գրասենյակից (հավելվածի բջջային կամ վեբ տարբերակով):

«My Beeline Armenia» հավելվածից օգտվողների թիվն օրեցօր ավելանում է, և մենք շարունակում ենք կատարելագործել այն, որպեսզի Beeline ծառայություններից օգտվելը մեր հաճախորդների համար լինի առավելագույնս պարզ և հարմար: Մեր նոր ակցիայի շնորհիվ Beeline բաժանորդները, Մեգա ծառայություններին միանալով, այժմ կստանան բջջային ինտերնետի կրկնակի ծավալ, ինչը հավելվածից օգտվելը դարձում է նաև ավելի շահավետ», - նշել է Հայաստանում Beeline-ի գլխավոր տնօրեն Անդրեյ Պյատախինը։