Թռչելու համար նախատեսված տախտակի առաջին փորձարկումներն են կատարվել (ՏԵՍԱՆՅՈՒԹ)
ԵՐԵՎԱՆ, 12 ապրիլի. /ԱՌԿԱ/. Մարզիկ Ֆրենկ Զապատան թեստավորել է իր նոր հայտնագործությունը` Flyboard Air թռչող տախտակը, գրում է hi-tech.mail.ru–ն։ Դրա օգնությամբ կարելի է բարձրանալ մինչև երեք հազար մետր բարձրության վրա, ասվում է ստեղծողների թիմի պաշտոնական կայքում։
Թեստավորում են պրոֆեսիոնալները
Zapata Racing էքստրեմալների թիմը հայտնի է իր ջրային հովերբորդերի շնորհիվ, որոնք ջրի հսկայական շիթով կարող են ջրի վրա այդ բորդով լողացողին օդ բարձրացնել։
Նորույթն արդեն կապված չէ ջրային պոմպերի հետ և այլ կերպ է կառավարվում։ Թռչող տախտակում ներկառուցված է տուրբոռեակտիվ շարժիչ, որը կարող է օդում մնալ մինչև երեք հազար մետր բարձրության վրա։
Սահմանափակումներ
Թռիչքի առավելագույն ժամանակն առայժմ սահմանափակ է` ընդամենը 10 րոպե։ Իսկ արագությունը կարող է հասնել 150 կմ.ժամի։
Այս պահին հայտնագործությունը միայն նախատիպի փուլում է։ Այն նույնիսկ թեստավորել են ջրի մակերևույթի վրա` փորձարկելու համար, թե ինչ կլինի փորձարկողի հետ անսպասելի ընկնելու դեպքում։
Այս թռչող տախտակը վաճառքում կհայտնվի ոչ ավելի վաղ, քան 2017 թվականին։ -0-