Samsung –ը պատենտավորել է ուտելու բանան–հեռախոս
ԵՐԵՎԱՆ, 27 հուլիսի. /ԱՌԿԱ/ Samsung ընկերությունը պատենտավորել է հեռախոս–բանան։ ԱՄՆ–ի պատենտների և ապրանքանիշերի բյուրոյի կայքում հրապարակված փաստաթղթին ուշադրություն է դարձրել Patently Apple պարբերականը։
Ինչպես հաղորդում է Lenta.ru–ն, նշվում է, որ արտոնագրի հայտը ներկայացվել է 2015 թ.–ի սեպտեմբերին, արտոնագիրը տրվել է 2017 թ.–ի հունիսին։ Հրապարակված նյութերում չեն ներկայացվում ապրանքի տեխնիկական մանրամասները։
Պարբերականը սարքն անվանում է «աշխարհում առաջին լրտեսական ուտելու հեռախոս»։ Սակայն փաստաթղթում ներկայացված են միայն գյուտի` տարբեր կողմերից արված լուսանկարները, այդ թվում` մրգի սխեմատիկ պատկերը։
Այս տարվա մայիսին հաղորդվել էր, որ Apple–ը մշակել և արտոնագրել է պիցցայի համար նախատեսված սեփական տուփը։ Նշվում է, որ տարրան ստեղծվել է, որպեսզի աշխատակիցները կարողանան ճաշարանից վերցնել պիցցա, թխվածք կամ ցանկացած այլ մթերք և տանել աշխատասենյակ։ Կափարիչի վրա արված է 8 օդափոխիչ անցք `խոնավության կուտակումը կանխելու համար։ -0-