Ճապոնական «Շարպ» ընկերությունը ստեղծել է աշխարհում առաջին տեսախցիկը, որը կարողանում է գունավոր նկարահանել լիակատար մթության մեջ
ԵՐԵՎԱՆ, 12 նոյեմբերի. /ԱՌԿԱ/. Ճապոնական «Շարպ» ընկերությունը ստեղծել է աշխարհում առաջին տեսախցիկը, որը կարողանում է գունավոր նկարահանել լիակատար մթության մեջ։ Ինչպես հայտնում է ճապոնական ընկերությունը, մշակումը կատարվել է նախևառաջ պաշտպանական համակարգերի և հսկողություն իրականացնող տեսախցիկների համար, հայտնում է ԻՏԱՌ–ՏԱՍՍ–ը։
Խցիկն ունի գիշերային տեսանելիություն ապահովող ինֆրակարմիր նորագույն համակարգ, որը «Շարպը» մշակել է Առաջատար արդյունաբերական գիտությունների և տեխնոլոգիաների ազգային ինստիտուտի հետ համատեղ։ Խցիկում տեղադրվել է ինֆրակարմիր ճառագայթման համակարգ, որն անգամ լիակատար մթության մեջ պատկերը գունավոր նկարահանելու հնարավորություն է ընձեռում։
Ընկերության կարծիքով` նոր մշակումը կիրառություն կգտնի ոչ միայն պահպանական տեխնոլոգիաների ոլորտում, այլև` բժշկության մեջ. այն կարող է մեծապես օգնել հիվանդանոցներում գիշերային ժամերին հիվանդներին հսկելու հարցում։-0-