Angry Birds Go!–ն անվճար հասանելի է Ռուսաստանում

ԵՐԵՎԱՆ, 12 դեկտեմբերի. /ԱՌԿԱ/. Angry Bird շարքի նոր խաղը հասանելի է Ռուսաստանում, Google Play և  Apple App Store հավելվածների խանութներում, հաղորդում է Digit.ru–ն։

Rovio ընկերությունը չորեքշաբթի ամբողջ աշխարհի, ներառյալ Ռուսաստանի,  Google և  Apple հավելվածների խանութներում տեղադրել է Angry Birds Go! խաղը։ Digit.ru–ի թղթակիցը փորձել է Google Play–ից ներբեռնել խաղը և տեղեկացրել է, որ խաղի ներբեռնման համար մոտ կես ժամ է անհրաժեշտ, թեև ֆայլի ծավալն այնքան էլ մեծ չէ` 168 ՄԲ, հավանաբար պատճառը ցանկացողների մեծ քանակն է։

Խաղում նախկինի պես մասնակցում են խոզերն ու թռչունները, սակայն մասնակիցները պետք է ոչ թե քանդեն ամրոցները, այլ մասնակցեն մրցարշավի։ Գրաֆիկան արվել է Angry Birds–ի նախորդ խաղերի նմանությամբ։ Խաղի հերոսներից յուրաքանչյուրը «գերունակություններ» ունի, որոնք թույլ են տալիս արագացնել և ճանապարհից դուրս բերել մրցակիցներին։ Մի փուլից մյուսն անցնելու ընթացքում խաղացողը կարող է փոխել իր ավտոմեքենան։

Հավելվածները հասանելի են անվճար։ Արտադրողը դրամայնացումն իրականացնում է TelePods ծառայության միջոցով. խաղացողը խաղի` Hasbro ապրանքանիշի իրական ֆիգուր է գնում, որն այնուհետև կարող է խաղում ներառել բջջային սարքի տեսախցիկով նկարահանելու միջոցով։ –0–