Հայկական PicsArt հավելվածն ավելի քան 220 մլն օգտատեր է ներբեռնել
17.04.2015,
16:57
Լուսանկարներ խմբագրող PicsArt հավելվածն ավելի քան 220 մլն օգտատեր է արդեն ներբեռնել, «ԱՌԿԱ» գործակալությանն ասաց PicsArt ընկերության ղեկավարներից մեկը` Միքայել Վարդանյանը։
ԵՐԵՎԱՆ, 17 ապրիլի. /ԱՌԿԱ/. Լուսանկարներ խմբագրող PicsArt հավելվածն ավելի քան 220 մլն օգտատեր է արդեն ներբեռնել, «ԱՌԿԱ» գործակալությանն ասաց PicsArt ընկերության ղեկավարներից մեկը` Միքայել Վարդանյանը։
Նրա խոսքով` այս պահին հավելվածից օգտվում է մոտ 60 մլն ակտիվ օգտատեր տարբեր երկրներից, որոնք ամսվա ընթացքում լուսանկարներ են խմբագրում և հրապարակում։
«Ամենից շատ օգտատեր է գրանցված Եվրոպայից և Ամերիկայից (50 տոկոս), հետո հաջորդում է Ասիան (մոտ 25 տոկոս), մնացած 25 տոկոսն այլ երկրներից են», –նշեց Վարդանյանը։
Նա նաև ընդգծեց, որ PicsArt հավելվածը աշխարհում հայտնի Instagram անվճար հավելվածի արժանի մրցակիցն է։
«Այս պահին մենք ցանկանում ենք, որպես հավելվածին փոխլրացնող տարր, ավելացնել օգտատերերի թիվը, որոնք, բացի հավելվածից, օգտվում են նաև սոցցանցից։ Հնարավոր է, որ ապագայում մենք կստեղծենք բազմաֆունկցիոնալ տեսաալբոմներ, երկխոսության դաշտեր, որոնք թույլ կտան շփվել հայտնի մարդկանց հետ», – ասաց Վարդանյանը։
Ինչպես տեղեկացրեց PicsArt–ի ներկայացուցիչը, ընկերությունն այս տարի պատրաստվում է փոխել հավելվածի արտաքին տեսքը` հավելվածը դարձնելով ավելի մատչելի և հարմար հատկապես նրանց համար, ովքեր նոր են ներբեռնել այն։
«PicsArt–ի պատմությունը սկսվել է հասարակ հավելվածից, որը նկարելու հնարավորություն էր ընձեռում, այնուհետև այն վերաճեց սոցցանցերում նկար տեղադրելու հնարավորության», – նշեց Վարդանյանը։
Նրա խոսքով` ընկերությունը սկսել է իր գործունեությունը հինգ հոգով, իսկ հիմա միայն Հայաստանում աշխատակիցների թիվը հասնում է 120–ի։ Սան Ֆրանցիսկոյում աշխատում է վեց մարդ, և նախատեսվում է ընդլայնել գրասենյակը` աշխատակիցների թիվը հասցնելով 30–ի։
«Մեր օտարերկրյա գործընկերների շրջանում կան բարձր որակավորում ունեցող մասնագետներ, որոնք աշխատում են Google–ում, Facebook–ում և այլ հայտնի ընկերություններում, որոնց շատ քիչ ժամանակ կպահանջվի թարմացումներն ու ձեռքբերումները նոր մակարդակի բարձրացնելու համար», – ասաց Վարդանյանը։
Նա նաև նշեց, որ Հայաստանում ընկերությանն այս պահին անհրաժեշտ են մշակողներ, թեստավորողներ, ինժեներներ, իսկ երկրի սահմաններից դուրս պահանջվում են մարկետինգով, դիզայնով, մենեջմենթով զբաղվող մասնագետներ։
Վարդանյանը նաև տեղեկացրեց, որ PicsArt հավելվածը հասանելի է 13 լեզվով, և աշխատանքներ են տարվում նոր լեզուներ ավելացնելու ուղղությամբ։
PicsArt–ի առաջին տարբերակը Android օպերացիոն համակարգով աշխատող սարքավորումների համար հայտնվել է 2011թ.–ի նոյեմբերին, 2013թ.–ին հավելվածը հասանելի է դարձնել նաև iOS–ի համար, 2014թ.–ին` Windows–ի համար։
Հայկական start-up–ի PicsArt հավելվածը 2014թ.–ին զբաղեցրել է 5–րդ տեղը Apple App Store–ի 100 լավագույն անվճար հավելվածների ցանկում։
Ծրագրի օգնությամբ կարելի է լուսանկարել, տարբեր էֆեկտներ, զանազան դիմակներ, շրջանակներ, սահմանագծեր կիրառել, տեքստ դնել, մեկնաբանություններ ավելացնել, կարգավորել գույները և այլն։ Կան նաև նկարելու համար գործիքներ, օրինակ` զանազան վրձիններ, մատիտներ և այլն։ Պատրաստի աշխատանքները կարելի է հրապարակել PicsArt սոցցանցում կամ Facebook, Twitter, Flickr, Picasa, Dropbox, Fouresquare, Tumblr, Blogger ցանցերում, ուղարկել կարճ հաղորդագրությամբ և էլեկտրոնային փոստով։ –0–
Նրա խոսքով` այս պահին հավելվածից օգտվում է մոտ 60 մլն ակտիվ օգտատեր տարբեր երկրներից, որոնք ամսվա ընթացքում լուսանկարներ են խմբագրում և հրապարակում։
«Ամենից շատ օգտատեր է գրանցված Եվրոպայից և Ամերիկայից (50 տոկոս), հետո հաջորդում է Ասիան (մոտ 25 տոկոս), մնացած 25 տոկոսն այլ երկրներից են», –նշեց Վարդանյանը։
Նա նաև ընդգծեց, որ PicsArt հավելվածը աշխարհում հայտնի Instagram անվճար հավելվածի արժանի մրցակիցն է։
«Այս պահին մենք ցանկանում ենք, որպես հավելվածին փոխլրացնող տարր, ավելացնել օգտատերերի թիվը, որոնք, բացի հավելվածից, օգտվում են նաև սոցցանցից։ Հնարավոր է, որ ապագայում մենք կստեղծենք բազմաֆունկցիոնալ տեսաալբոմներ, երկխոսության դաշտեր, որոնք թույլ կտան շփվել հայտնի մարդկանց հետ», – ասաց Վարդանյանը։
Ինչպես տեղեկացրեց PicsArt–ի ներկայացուցիչը, ընկերությունն այս տարի պատրաստվում է փոխել հավելվածի արտաքին տեսքը` հավելվածը դարձնելով ավելի մատչելի և հարմար հատկապես նրանց համար, ովքեր նոր են ներբեռնել այն։
«PicsArt–ի պատմությունը սկսվել է հասարակ հավելվածից, որը նկարելու հնարավորություն էր ընձեռում, այնուհետև այն վերաճեց սոցցանցերում նկար տեղադրելու հնարավորության», – նշեց Վարդանյանը։
Նրա խոսքով` ընկերությունը սկսել է իր գործունեությունը հինգ հոգով, իսկ հիմա միայն Հայաստանում աշխատակիցների թիվը հասնում է 120–ի։ Սան Ֆրանցիսկոյում աշխատում է վեց մարդ, և նախատեսվում է ընդլայնել գրասենյակը` աշխատակիցների թիվը հասցնելով 30–ի։
«Մեր օտարերկրյա գործընկերների շրջանում կան բարձր որակավորում ունեցող մասնագետներ, որոնք աշխատում են Google–ում, Facebook–ում և այլ հայտնի ընկերություններում, որոնց շատ քիչ ժամանակ կպահանջվի թարմացումներն ու ձեռքբերումները նոր մակարդակի բարձրացնելու համար», – ասաց Վարդանյանը։
Նա նաև նշեց, որ Հայաստանում ընկերությանն այս պահին անհրաժեշտ են մշակողներ, թեստավորողներ, ինժեներներ, իսկ երկրի սահմաններից դուրս պահանջվում են մարկետինգով, դիզայնով, մենեջմենթով զբաղվող մասնագետներ։
Վարդանյանը նաև տեղեկացրեց, որ PicsArt հավելվածը հասանելի է 13 լեզվով, և աշխատանքներ են տարվում նոր լեզուներ ավելացնելու ուղղությամբ։
PicsArt–ի առաջին տարբերակը Android օպերացիոն համակարգով աշխատող սարքավորումների համար հայտնվել է 2011թ.–ի նոյեմբերին, 2013թ.–ին հավելվածը հասանելի է դարձնել նաև iOS–ի համար, 2014թ.–ին` Windows–ի համար։
Հայկական start-up–ի PicsArt հավելվածը 2014թ.–ին զբաղեցրել է 5–րդ տեղը Apple App Store–ի 100 լավագույն անվճար հավելվածների ցանկում։
Ծրագրի օգնությամբ կարելի է լուսանկարել, տարբեր էֆեկտներ, զանազան դիմակներ, շրջանակներ, սահմանագծեր կիրառել, տեքստ դնել, մեկնաբանություններ ավելացնել, կարգավորել գույները և այլն։ Կան նաև նկարելու համար գործիքներ, օրինակ` զանազան վրձիններ, մատիտներ և այլն։ Պատրաստի աշխատանքները կարելի է հրապարակել PicsArt սոցցանցում կամ Facebook, Twitter, Flickr, Picasa, Dropbox, Fouresquare, Tumblr, Blogger ցանցերում, ուղարկել կարճ հաղորդագրությամբ և էլեկտրոնային փոստով։ –0–