X-TECH հայկական ընկերությունը կարող է իր ՏՏ նախագիծն առաջարկել Թբիլիսիի իշխանություններին
ԵՐԵՎԱՆ, 26 նոյեմբերի. /ԱՌԿԱ/. X-TECH հայկական ընկերությունը կարող է իր CityBugs ՏՏ նախագիծն առաջարկել Թբիլիսիի իշխանություններին, երկուշաբթի ասաց ընկերության ղեկավար Արման Աթոյանը:
Վերջերս ընկերության կողմից գործարկած citybugs.am նախագիծը թույլ է տալիս քաղաքացիներին տեղեկացնել Երևանում առկա խնդիրների մասին՝ տեղադրված քարտեզի վրա նշումներ թողնելով, ինչպես նաև լուսանկարներ և տեսանյութեր բեռնել:
Կայքը երկու մրցանակ է ստացել նոյեմբերի 14-17-ը Թբիլիսիում կայացած «GITI-2012» մրցույթի ժամանակ՝ «Տարվա լավագույն ինտեգրատոր» և «Լավագույն մուլտիմեդիա նախագիծ» անվանակարգերում:
«Մենք պատրաստ ենք Թբիլիսիի համար առաջարկել նախագիծը: Դա թույլ կտա քաղաքի քաղաքապետարանին առկա խնդիրների մասին տեղեկություն ստանալ քաղաքացիներից»,- «Նովոստի» միջազգային մամուլի կենտրոնում կայացած ասուլիսի ժամանակ ասաց Աթոյանը:
Սակայն, ըստ նրա՝ անհրաժեշտ է սպասել, քանի դեռ պարզություն կմտցվի Վրաստանի առկա իրավիճակում՝ այնտեղ անցած խորհրդարանական ընտրություններից հետո:
«Մենք վերցրել ենք անհրաժեշտ կոնտակտները և կփորձենք դիմել ավելի ուշ»,- ասաց Աթոյանը: -0-