Անվճար բջջային ներդիրներն արագ են լիցքաթափում մարտկոցները. ուսումնասիրություն
ԵՐԵՎԱՆ, 21 մարտի. /ԱՌԿԱ/. Անվճար բջջային ներդիրները, որոնք օգտատերին երրորդ անձի գովազդ են ցուցադրում, զգալիորեն ավելի շատ էներգիա են ծախսում և ավելի շուտ են լիցքաթափում մարտկոցները, հաղորդում է BBC-ին՝ հղում անելով նոր ուսումնասիրությանը:
Փորձագետները հետևել են, թե ինչպես են էներգիա ծախսում Android-ի և Windows Phone-ի համար մի քանի ներդիրներ: Արդյունքների համաձայն` առանձին դեպքերում մինչև 75 տոկոս էներգիա է ծախսվում գովազդի ցուցադրման համար: Օրինակ՝ Angry Birds հայտնի խաղի դեպքում էներգիայի ընդհանուր օգտագործման միայն 20 տոկոսն է ծախսվում խաղի համար: Էներգիայի ևս 45 տոկոսը ծախսվում է օգտատերի գտնվելու վայրը որոշելու համար, ինչն իր հերթին թույլ է տալիս խաղացողին ցուցադրել նպատակային գովազդը, հաղորդում է ԻՏԱՌ-ՏԱՍՍ-ը:
Հաշվետվության հեղինակ Աբխինավ Պատակը BBC-ին ասել է, որ հարկ է, որ մշակողները արկար մտածեն իրենց ներդիրներում կողմնակի ծառայություններ տեղադրելիս: -0-