Yandex հավելվածում կներառվեն նաև տրոլեյբուսները
27.01.2025,
13:17
Yandex–ով հնարավոր կլինի հետևել ոչ միայն ավտոբուսներին, այլ նաև տրոլեյբուսներին
ԵՐԵՎԱՆ, 27 հունվարի․/ԱՌԿԱ/․ Yandex հավելվածում նախատեսվում է ներառել ոչ միայն «Երևանի ավտոբուս» ընկերության շարժակազմերը, այլև «Էլեկտրատրանսպորտ» ՓԲԸ տրոլեյբուսները, հայտնեց Երևանի փոխքաղաքապետ Սուրեն Գրիգորյանը քաղաքապետարանում կազմակերպված գործակարգավարական խորհրդակցության ժամանակ։
Ինչպես զեկուցվել է խորհրդակցության ժամանակ, ներդրվել է տրանսպորտի GPS սարքերից ստացվող տվյալների մշակման համակարգ։ Շուրջ 550 ավտոբուսից ստացվող տվյալներն օգնում են դիտարկել դրանց շարժն ու հետագիծը: Դա հնարավորություն կտա դիտարկել, կառավարել երթերն ու դրանց միջակայքերը։ Հասանելի է նաև ավտոբուսների տեսահսկման համակարգն առցանց ռեժիմով։