VivaCell-MTS–ը կոչ է անում իր բաժանորդներին ավելի ուշադիր լինել խարդախությունների նկատամամբ
ԵՐԵՎԱՆ, 4 ապրիլի. /ԱՌԿԱ/. VivaCell-MTS բջջային օպերատորը կոչ է անում իր բաժանորդներին ավելի ուշադիր լինել հնարավոր խարդախությունների նկատմամբ։
Ինչպես երկուշաբթի հայտնեցին ընկերության մամուլի ծառայությունից, VivaCell-MTS–ը կոչ է անում իր բաժանորդներին հաշիվ չլիցքավորել կամ միջոցներ չփոխանցել անծանոթ բաժանորդներին ուղղակի սրտացավությունից։
«Չի բացառվում, որ նման օգնության խդրանքով դիմողները պարզապես զբաղվում են խարդախությամբ»,– ասվում է հաղորդման մեջ։
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-