Ucom-ում մեկնարկեց «Գեղեցիկ սմարթֆոններ ամենագեղեցիկներին» ակցիան
ԵՐԵՎԱՆ, 1 Մարտի. /ԱՌԿԱ/. Մարտի 1-ից ապրիլի 7-ը Ucom-ի բոլոր վաճառքի և սպասարկման սրահներում մեկնարկում է «Գեղեցիկ սմարթֆոններ ամենագեղեցիկների» համար ակցիան, հայտնում է ընկերության մամուլի ծառայությունը։
«Բոլոր նրանք, ովքեր ցանկանում են փորձարկել SpeedTest-ի գնահատմամբ ամենաարագ շարժական ցանցի որակը, այդ ժամանակահատվածում հնարավություն ունեն ձեռք բերելու HD էկրանով, երկու SIM-քարտի և 4G+ հնարավորությամբ նորաձև սմարթֆոններ և 6 ամիս շարունակ անվճար ստանալ U!1500 կանխավճարային սակագնային պլանի ներառումները», - նշվում է տարածած հաղորդագրությունում։
Մասնավորապես Fly Champ սմարթֆոնը հնարավոր է ձեռք բերել 33 500 դրամով, իսկ Xiaomi Redmi 5A սմարթֆոնը՝ 53 900 դրամով։ Գնումը հնարավոր է իրականացնել նաև առցանց՝ Ucom-ի ինտերնետային խանութից՝ վճարելով առցանց կամ կանխիկ տարբերակով՝ առաքման ժամանակ։
«Մեր նոր բաժանորդները 6 ամիս շարունակ անվճար կստանան 1.5 ԳԲ շարժական ինտերնետ, 100 րոպե դեպի տեղական բոլոր ցանցեր և Արցախ։ Ավելին՝ այդ րոպեներն սպառելուց հետո անսահմանափակ կզանգեն Ucom-ի շարժական ցանցի ներսում», - նշեց Ucom ընկերության գլխավոր տնօրեն Հայկ Եսայանը։
Առաջարկի շրջանակներում վաճառվող սմարթֆոնների համար գործում է 1 տարվա պաշտոնական երաշխիք, ինչպես նաև հավելյալ 1 տարվա անվճար հետերաշխիքային սպասարկում, եթե սմարթֆոնը գնված է Ucom-ի ինտերնետ խանութից։ Հավելենք, որ սմարթֆոնների քանակը սահմանափակ է։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում: –0–