Team-ի մասնաճյուղերը նախատոնական օրերին կաշխատեն երկարացված հատուկ գրաֆիկով

ԵՐԵՎԱՆ, 29 դեկտեմբերի./ԱՌԿԱ/. Հաճախորդների սպասարկումն առավել հարմարավետ դարձնելու նպատակով Team Telecom Armenia-ի վաճառքի և սպասարկման կենտրոնները նախատոնական օրերին կաշխատեն հատուկ գրաֆիկով, հաղորդում է Team Telecom Armeni ընկերության մամուլի ծառայությունը։

Ընկերության կենտրոնական՝ Հյուսիսային պողոտայի և Ամիրյան փողոցի մասնաճյուղերը դեկտեմբերի 29-ին և 30-ին բաց կլինեն մինչև կեսգիշեր, իսկ Երևանի և մարզերի մյուս խոշոր գրասենյակների մեծ մասը մինչև 22։00-ն։

Team-ի բոլոր մասնաճյուղերի աշխատանքային գրաֆիկին կարող եք ծանոթանալ այստեղ։

Նշենք նաև, որ այս տարի ընկերությունն առաջարկում է ամանորյա նվերների լայն տեսականի հատուկ գներով։ Ձեռք բերեք դրանք ձեզ հարմար մասնաճյուղերից կամ առցանց ու պարգևեք տոն ձեր մտերիմներին։

Team Telecom Armenia-ն ՀՀ տարածքում տրամադրում է ինտերնետի, թվային հեռուստատեսության, բջջային և ֆիքսված հեռախոսակապի ծառայություններ։ 2021 թվականից ընկերությունը սկսել է տարածաշրջանում եզակի՝ 25 Գբ/վ արագությամբ 25G-PON տեխնոլոգիայով NGN (Next Generation Network) ցանցի կառուցումը: Առաջիկայում այս ցանցին կմիացվեն Հայաստանի ողջ տարածքում գործող բջջային կայանները, ինչի շնորհիվ զգալիորեն կբարելավվի նաև շարժական կապի որակը։-0-