USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
0

Samsung-ը բոլոր գնորդներին առաջարկել է անջատել Galaxy Note 7 սմարթֆոնները

11.10.2016, 14:30
Samsung ընկերությունը հայտարարել է Galaxy Note 7 սմարթֆոնների վաճառքի դադարեցման մասին, և բոլոր գնորդներին առաջարկել է անջատել դրանք:
Samsung-ը բոլոր գնորդներին առաջարկել է անջատել Galaxy Note 7 սմարթֆոնները

ԵՐԵՎԱՆ, 11 հոկտեմբերի. /ԱՌԿԱ/. Samsung ընկերությունը հայտարարել է Galaxy Note 7 սմարթֆոնների վաճառքի դադարեցման մասին, և բոլոր գնորդներին առաջարկել է անջատել դրանք: Հիշեցնենք, որ դրանք մի քանի անգամ վառվել են ինքնաթիռներում։

Ինչպես հաղորդում է РБК-ն` հղում անելով Reuters գործակալությանը, Samsung-ը խնդրել է իր բոլոր համաշխարհային գործընկերներին դադարեցնել հեռախոսի վաճառքը և փոխանակումը` մինչ պաշտոնական հետաքննության ավարտը:

Հեռախոսների այս մոդելի բոլոր տերերին առաջարկել են անջատել դրանք և դրանցից այլևս չօգտվել, նշվում է ընկերության` ԱՄՆ օգտատերերի համար նախատեսված կայքում: Գնորդներին նաև առաջարկվում է հեռախոսով դիմել ԱՄՆ` խորհրդակցության համար և փոխել հեռախոսը Galaxy S7-ի կամ Galaxy S7 edge-ի` հնարավոր 25 դոլար բոնուսով:

Ռուս օգտատերերի համար նախատեսված կայքում հոդվածի հրապարակման պահին այս տեղեկատվությունը չկար:

Սպառողների իրավունքների պաշտպանության ամերիկյան հանձնածողովի ներկայացուցիչ Էլիոտ Քեյը Samsung-ի որոշումը ճիշտ է համարում:


Հոկտեմբերի 10-ին Samsung-ը հայտարարեց նաև Galaxy Note 7 սմարթֆոնների արտադրության ժամանակավոր դադարի մասին: Դա տեղի ունեցավ, երբ նոր բաժնի մի սմարթֆոն պայթեց ՉԺՀ բնակչի ձեռքում: Հարավկորեական ընկերությունից պարզաբանել են, որ սարքի մեջ թերություն ունեցող մարտկոց է եղել:

25-ամյա Խուեյ Ռենջին հեռախոսի պայթյունից երկու մատի աննշան վնասվածքներ էր ստացել: -0-