USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
0

Ռոստելեկոմը Հայաստանում նվազեցրել է իր բաժանորդների հեռախոսակապի գները

02.09.2014, 16:39
GNC-Alfa (Ռոստելեկոմ ապրանքանիշ) ընկերությունը նվազեցրել է Հայաստանում իր բաժանորդների հեռախոսակապի գները, հայտնեցին ընկերության մամուլի ծառայությունից։
Ռոստելեկոմը Հայաստանում նվազեցրել է իր բաժանորդների հեռախոսակապի գները

ԵՐԵՎԱՆ, 2 սեպտեմբերի. /ԱՌԿԱ/. GNC-Alfa (Ռոստելեկոմ ապրանքանիշ) ընկերությունը նվազեցրել է Հայաստանում իր բաժանորդների հեռախոսակապի գները, հայտնեցին ընկերության մամուլի ծառայությունից։

Սկսած սեպտեմբերի 1–ից` գործում են նոր սակագներ դեպի ՀՀ այլ ֆիքսված հեռախոսային ցանցեր (դեպի ՀՀ մարզեր) և դեպի Ռուսաստան միջազգային զանգերի համար:

Դեպի ՀՀ այլ ֆիքսված հեռախոսային ցանցեր (մարզեր) կատարվող զանգերի սակագինը մեկ րոպեի դիմաց նախկին 15 դրամի փոխարեն այսուհետ կկազմի 5 դրամ:

Դեպի Ռուսաստանի ֆիքսված ցանցեր կատարվող զանգերի սակագինը 1 րոպեի դիմաց նախկին 59 դրամի փոխարեն այսուհետ կկազմի 16 դրամ: Դեպի Ռուսաստանի բջջային ցանցեր կատարվող զանգերի սակագինը 1 րոպեի դիմաց նախկին 59 դրամի փոխարեն  այսուհետ կկազմի 49 դրամ:

«Ընկերությունը մշտապես բարելավում է ծառայությունների տրամադրման պայմանները և փորձում է հասանելի դարձնել իր ծառայությունների բոլորին»,– նշվում է հաղորդման մեջ։

«ՋԻԷՆՍԻ-ԱԼՖԱ» ՓԲԸ-ն (ապրանքանիշը` «Ռոստելեկոմ») հանդիսանում է Հայաստանի առաջատար հեռահաղորդակցության օպերատորը: Ընկերությունը շուկայում գործում է 2009թ.-ից և ներկայումս շահագործում է Հայաստանում խոշորագույն և միակ օպտիկա-մանրաթելային ցանցը, որը հանրապետությունում ապահովում է փոխկապակցում տարածաշրջանի բոլոր մայրուղային ցանցերի և տրաֆիկի փոխանակման խոշորագույն հանգույցների հետ Վրաստանի և Իրանի միջազգային կապուղիների միջոցով։

GNC-ALFA –ն հեռահաղորդակցության ոլորտի առաջատար ընկերություններից մեկն է։ Ընկերության կորպորատիվ հաճախորդների ցանկում են խոշորագույն ձեռնարկություններ ու բանկեր, ՀՀ կառավարությունը և պետական մարմիններ, հեռահաղորդակցության ընկերություններ և միջազգային կազմակերպություններ:

GNC-ALFA ընկերության ցանցն ամբողջությամբ հիմնված է օպտիկամանրաթելային մալուխի վրա՝ ծածկելով ՀՀ տարածքի 80%-ն ու տարածվելով ավելի քան 2500 կմ:

«Ռոստելեկոմը» կորպորատիվ հաճախորդներին ծառայություններ է մատուցում ՀՀ ողջ տարածքում, իսկ բնակչությանը՝ Երևան (Կենտրոն, Էրեբունի, Նուբարաշեն, Դավիթաշեն, Աջափնյակ, Նոր Նորք, Ավան, Մալաթիա-Սեբաստիա համայնքներում), Աբովյան, Աշտարակ, Գյումրի, Չարենցավան, Հրազդան, Վանաձոր, Մեծամոր, Արմավիր, Արարատ, Մարտունի, Ալավերդի, Մասիս, Արտաշատ, Սևան, Դիլիջան, Իջևան, Կապան, Քաջարան քաղաքներում:

Ընկերության ծառայությունների ցանկում են լայնաշերտ ինտերնետի, Այփի հեռախոսակապի, տվյալների փոխանցման, միջազգային վարձակալված գծերի, Այփի հեռուստատեսության, տարանցիկ կապուղիների և այլ ծառայություններ: -0-