USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
0

My Beeline Armenia շարժական հավելվածը հասանելի կլինի հունիսին

30.05.2014, 19:27
«ԱրմենՏել» ՓԲԸ–ի (ապրանքանիշը` Beeline) My Beeline Armenia շարժական հավելվածը հասանելի կդառնա հունիսին, ուրբաթ «Նովոստի» միջազգային մամուլի կենտրոնում լրագրողներին ասաց ընկերության գլխավոր տնօրեն Անդրեյ Պյատախինը։
My Beeline Armenia շարժական հավելվածը հասանելի կլինի հունիսին

ԵՐԵՎԱՆ,30 մայիսի. /ԱՌԿԱ/. «ԱրմենՏել» ՓԲԸ–ի (ապրանքանիշը` Beeline) My Beeline Armenia շարժական հավելվածը հասանելի կդառնա հունիսին, ուրբաթ «Նովոստի» միջազգային մամուլի կենտրոնում լրագրողներին ասաց ընկերության գլխավոր տնօրեն Անդրեյ Պյատախինը։
Նրա խոսքով` հավելվածի շնորհանդեսը կկայանա հունիսի 20–21–ը Երևանում կայանալիք DigiTec 2014 բիզնես ֆորումի շրջանակում։

«My Beeline Armenia–ն հատուկ շարժական հավելված է` նախատեսված սովորական օգտատերերի համար, որը թույլ է տալիս հեշտությամբ իմանալ հաշվեկշիռը, միացնել և անջատել ծառայությունները, փոխել դրանք, ստանալ ամենաթարմ նորություններն ու այլ ծառայություններ, որոնք շատ հարմար են հաճախորդների համար», – ասաց Պյատախինը։

«My Beeline Armenia» շարժական հավելվածը արագ և ժամանակակից ինտերֆեյս է, որը հասանելի են դարձնում ընկերության ակտուալ և պահանջված ծառայությունները։ Հավելվածի միջոցով բաժանորդը կարող է միացնել կամ անջատել կապի ծառայությունները, ստանալ սակագնային պլանի և միացված ծառայությունների վերաբերյալ անձնական տեղեկատվութուն, ինչպես նաև ամենավերջին նորությունները Beeline–ից։
    
Բաժանորդները կարող են հավելվածը ներբեռնել iOs–ի, Android–ի և Windows–ի համապատասխան մարկետներից, իսկ Sybian–ի համար` ընկերության պաշտոնական կայքից։

Շարժական հավելվածի գործարկումից հետո բջջային սարքի էկրանին պատկերվում է հավելվածի գլխավոր էջը, որտեղ ներկայացված են Beeline–ի ժապավենը, նորությունները և «Քո մեղեդին» ծառայության մեղեդիները։ Բաժանորդը կարող է ընտրել հետաքրքրող բաժինը` սեղմելով համապատասխան կոճակն ու ծանոթանալ համապատասխան տեղեկատվության հետ։

Հավելվածում հասանելի է նաև անձնական տվյալների բաժինը, որտեղ բաժանորդը կարող է ծանոթանալ ակտիվ ծառայությունների տեղեկատվությանը, հասանելի հաշվեկշռին։

Հավելվածը ներկայացված է երեք լեզվով` հայերեն, ռուսերեն և անգլերեն։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–