Facebook-ը սկսել է գովազդ տեղադրել Messenger-ում
26.01.2017,
17:12
Facebook սոցիալական ցանցը Messenger շարժական հավելվածում թեստային ռեժիմով գործարկել է գովազդի տեղադրում։
ԵՐԵՎԱՆ, 26 հունվարի. /ԱՌԿԱ/. Facebook սոցիալական ցանցը Messenger շարժական հավելվածում թեստային ռեժիմով գործարկել է գովազդի տեղադրում, հաղորդում է «Կոմերսանտը»` հղում անելով Techcrunch-ին:
Առաջինը գովազդը կտեսնեն Ավստրալիայի և Թաիլանդի օգտատերերը: Շարժական հավելվածի միջոցով տեղադրված գովազդային հայտարարությունները միանգամից երևում են էկրանին նկարի տեսքով` գրությամբ և հղումով:
Հղումով անցնելով` օգտատերը կարող է ավելի մանրամասն տեղեկանալ ապրանքի մասին կամ բաժանորդագրվել իրեն հետաքրքրած ծառայությանը: Facebook-ից խոստացել են, որ գովազդը չի հայտնվի նամակագրության նթացքում այնքան ժամանակ, մինչև օգտատերն ինքը չսեղմի հայտարարության վրա: -0-