Beeline-ը մի շարք փոփոխություններ է կատարել Հայաստանի բջջային կապի սակագնային փաթեթներում

ԵՐԵՎԱՆ, 24 նոյեմբերի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) փոփոխոըւթյուններ է կատարել բջջային կապի մի շարք սակագնային փաթեթներում, որոնք ուժի մեջ կմտնեն 2014 թ. դեկտեմբերի 4-ից, հայտնում է ընկերության մամուլի ծառայությունը։ Հաղորդման համաձայն` մասնավորապես փոխվելու են որոշ ինտերնետ փաթեթների սակագներ, իսկ մի շարք սակագնային փաթեթներում՝ պահվող գումարի չափը, որը գանձվում է հաշվի լիցքավորման պահին։ «Միքս», «ՍուպերՄիքս», «Ռեմիքս››, «ՄեգաՄիքս», «Պարզ», «Զանգառատ», «Զանգառատ 5» և «Նուռ» սակագնային փաթեթներում կփոխվի 1ՄԲ ինտերնետի սակագինը։ ««ՍուպերՄիքս» և «Ռեմիքս›› ՍՓ–ներում կփոխվի տրամադրվող ծառայությունների փաթեթը և պահվող գումարի չափը, որը գանձվում է հաշվի լիցքավորման պահին։ Մասնավորապես «ՍուպերՄիքս» կանխավճարային սակագնային փաթեթի համար յուրաքանչյուր միանվագ 500 դրամ հաշվի լիցքավորման դեպքում բաժանորդը բացի 7 օր անսահմանափակ ներցանցային զանգեր կատարելուց այսուհետ կստանա նաև 500 ներցանցային SMS` վճարելով 150 դրամ նախկին 100 դրամի փոխարեն»,– ասվում է հաղորդման մեջ։ «Ռեմիքս›› սակագնային փաթեթի համար յուրաքանչյուր միանվագ 500/1000 դրամ հաշվի լիցքավորման դեպքում բաժանորդը բացի 7/14 օրով անսահմանափակ ներցանցային զանգեր կատարելու հնարավորությունից, կստանա նաև 500/1000 ներցանցային SMS` վճարելով համապատասխանաբար 150/300 դրամ: Վերոնշյալ բոլոր սակագնային փաթեթների բաժանորդները փոփոխությունների վերաբերյալ լրացուցիչ տեղեկություններ կարող են ստանալ` այցելելով www.beeline.am կայք, վաճառքի և սպասարկման գրասենյակներ կամ զանգահարելով 0611 անվճար շուրջօրյա հեռախոսահամարին: «Beeline-ի մյուս սակագնային փաթեթների պայմանները մնում են անփոփոխ: Beeline բաժանորդները ցանկացած ժամանակ կարող են ընտրել անսահմանափակ րոպեների և ինտերնետի հնարավորությամբ ավելի հարմար սակագնային առաջարկ կամ իրենց սակագնային փաթեթում ակտիվացնել Beeline-ի ցանկացած ինտերնետ փաթեթ»,– ասվում է հաղորդագրությունում։ «ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–