Beeline-ն անցկացնում է ZTE Blade A530 սմարթֆոնի վաճառքի ակցիա
ԵՐԵՎԱՆ, 23 մայիսի./ԱՌԿԱ/. Հայաստանում Beeline-ը հայտարարում է ZTE Blade A530 սմարթֆոնի վաճառքի ակցիայի անցկացման մասին: Մինչև 2019 թ. հունիսի 30-ը հաճախորդները կարող են այդ հեռախոսը գնել 55990 դրամով՝ միանալով «Սմարթ 1500» կամ «Սմարթ 1500 մարզային» փաթեթներին, և կստանան 10000 դրամ իրենց հաշվին, հաղորդում է Beeline–ի մամուլի ծառայությունը։
Սմարթֆոնը նաև հնարավոր է ձեռք բերել ապառիկ տարբերակով։
«Beeline-ի գրասենյակներում սմարթֆոնների տեսականին համալրվել է ZTE ընկերության այս սիրված և մատչելի մոդելով։ Հեռախոսը հիանալի է գին-որակ համադրության տեսակետից և համեմատաբար ցածր գնի դիմաց թույլ է տալիս օգտվել ժամանակակից կապի բոլոր տեխնոլոգիաներից և հավելվածներից։ Մեր հաճախորդների համար գնի մեջ ներառված է նաև ծառայությունների փաթեթ, որն այս հեռախոսի ձեռքբերումն ու օգտագործումը կդարձնի էլ ավելի շահավետ ու հարմար» - նշել է Հայաստանում Beeline-ի գլխավոր տնօրեն Անդրեյ Պյատախինը։
ZTE Blade A530-ը կառավարվում է Android 8.1 (Oreo) օպերացիոն համակարգով, ունի 2 ԳԲ օպերատիվ և 16 ԳԲ ներքին հիշողություն։ Ունի երկու տեսախցիկ՝ 13 և 5 մեգապիքսել, ինչպես նաև 2600 mAh մարտկոց։ Հեռախոսն ունի երկու SIM քարտ տեղադրելու հնարավորություն։
Լրացուցիչ տեղեկատվություն կարելի է ստանալ www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին կամ զանգահարելով 0611 անվճար համարին։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–