Beeline-ի անսահմանափակ ֆիքսված ինտերնետը հասանելի է դարձել մարզերի բնակիչներին

ԵՐԵՎԱՆ, 26 սեպտեմբերի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) հայտարարում է «2Mix» և «2Mix+» կանխավճարային ծառայությունների փաթեթների գործարկման մասին, հայտնում է ընկերության մամուլի ծառայությունը։

Beeline-ը հայտարարում է մարզերի բնակիչների համար մշակված «2Mix» և «2Mix+» կանխավճարային ծառայությունների փաթեթների գործարկման մասին, որոնք թույլ են տալիս միաժամանակ օգտվել ֆիքսված և բջջային ինտերնետ կապերից:

Ֆիքսված ինտերնետն այդ փաթեթների շրջանակում տրամադրվում է նոր սերնդի անլար ցանցի միջոցով, որը թույլ է տալիս առավել որակյալ և կայուն ինտերնետ կապ ապահովել նույնիսկ ամենահեռավոր մարզերում:

Ինչպես հայտնում են ընկերությունից, միանալով «2Mix» կամ «2Mix+» կանխավճարային ծառայությունների փաթեթներից որևէ մեկին, բաժանորդները կստանան անսահմանափակ խոսելաժամանակ բջջային ցանցի ներսում, բջջային ինտերնետ և անսահմանափակ ֆիքսված ինտերնետ անլար ցանցի միջոցով՝ սկսած 3990 դրամից: Փաթեթն ակտիվացնելու համար պարզապես անհրաժեշտ է լիցքավորել փաթեթում ներառված բջջային հեռախոսահամարը:

«Մեզ համար կարևոր է, որ մեր պարզ և հարմար ծառայությունները մարդկանց համար հասանելի լինեն նույնիսկ Հայաստանի ամենահեռավոր անկյուններում: Մեր ժամանակներում ինտերնետն անհրաժեշտություն է, որը թույլ է տալիս հեշտությամբ լուծել շատ խնդիրներ՝ կապված թե՛ աշխատանքի, թե՛ ուսման հետ և այդպիսով դարձնել մարդկանց կյանքն ավելի լավը», – նշեց Հայաստանում Beeline-ի գլխավոր տնօրեն Անդրեյ Պյատախինը։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ: -0-