Beeline-ի գեղեցիկ համարներն արդեն կարելի է առցանց գնել ավելի շահավետ պայմաններով
ԵՐԵՎԱՆ, 20 մարտի. /ԱՌԿԱ/. Beeline-ը նվազեցրել է «գեղեցիկ» հեռախոսահամարների գները և ընդլայնել է կայքում հասանելի համարների ցանկը։
«Նշենք, որ «գեղեցիկ» համարների առցանց պատվերների դեպքում գործում է հավելյալ 20% զեղչ, իսկ Beeline-ի հետվճարային սակագնային պլաններից որևէ մեկին միանալու դեպքում պրեմիում համարի արժեքը հնարավոր կլինի վճարել 6 ամսվա ընթացքում։ Գործում է անվճար առաքում Հայաստանի ողջ տարածքում», - նշվում է տարածած հաղորդագրությունում։
«Beeline-ն ուրախ է տեղեկացնել, որ այժմ «գեղեցիկ» համարները հասանելի են ամենացածր գներով և նրանցից յուրաքանչյուրը կարող եք գնել նույնիսկ առանց տանից դուրս գալու։ Անցյալ տարի մենք գործարկել ենք կայք, որի միջոցով հնարավոր է ստուգել հեռախոսահամարի հասանելիությունը և առցանց գնել այն։ Մեր բաժանորդներից շատերն արդեն գնահատել են այդ հնարավորությունը, որը մենք շարունակաբար զարգացնում ենք, որպեսզի առաջարկենք էլ ավելի հարմար և շահավետ պայմաններ», - նշեց Հայաստանում Beeline-ի գլխավոր տնօրեն Անդրեյ Պյատախինը։
Լրացուցիչ տեղեկատվություն կարող եք ստանալ կայքում, հաղորդագություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 0611 անվճար համարին կամ այցելելով մոտակա Beeline գրասենյակ:
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:-0-