Beeline-ն երկարաձգում է «Մարզային 3500» և «Մարզային 5500» փաթեթների միացման ակցիան
ԵՐԵՎԱՆ, 3 սեպտեմբերի./ԱՌԿԱ/. Հայաստանում Beeline-ը տեղեկացնում է «Մարզային 3500» և «Մարզային 5500» սակագնային փաթեթների միացման ակցիայի երկարաձգման մասին, հաղորդում է ընկերության մամուլի ծառայությունը։
«Մարզային 3500» և «Մարզային 5500» փաթեթները ներառում են 10000 րոպե Beeline ցանցի ներսում, որը հնարավոր է օգտագործել միայն Երևանից դուրս գտնվելիս, 1500 ՄԲ ինտերնետ, BeeTV բջջային հեռուստատեսություն և լրացուցիչ երկու հեռախոսահամար։ 18 ամսով բաժանորդագրվելու դեպքում օգտատերերը կստանան 4G մոդեմ և ամսական 50 կամ 70 ԳԲ շարժական ինտերնետ։ Բջջային ինտերնետի չօգտագործված ծավալը փոխանցվում է հաջորդ ամսվան։
«Հաշվի առնելով մեր հաճախորդների դրական կարծիքները նշված փաթեթների վերաբերյալ, մենք որոշել ենք երկարացնել փաթեթների ժամկետները։ Վստահ եմ, որ նշված առաջարկի շնորհիվ մեր պարզ, ժամանակակից ու հարմար ծառայություններն ավելի հասանելի կլինեն մեր հաճախորդներին մարզերում», - նշել է Հայաստանում Beeline-ի գլխավոր տնօրեն Անդրեյ Պյատախինը։
Առաջարկը գործում է մինչև 2019 թ. հոկտեմբերի 31-ը։
Լրացուցիչ տեղեկատվություն կարելի է ստանալ www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին կամ զանգահարելով 0611 անվճար համարին կամ Beeline-ի մոտակա վաճառքի և սպասարկման գրասենյակում
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույնինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցությանընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնվածձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում,Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: ՎԵՈՆ» խմբիընկերությունները ծառայություններ են մատուցում «Beeline», «Киевстар», «Wind», «Mobilink», Banglalink» և «Djezzy»ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–