Apple-ը ներկայացնում է նոր Mac համակարգիչները
ԵՐԵՎԱՆ, 19 հոկտեմբերի. /ԱՌԿԱ/. Հոկտեմբերի 27-ին Apple ընկերությունը նախատեսում է նոր սարքերի շնորհանդես անցկացնել, հաղորդում է Recode պարբերականը` հղում անելով Apple-ի ծրագրերին ծանոթ իր աղբյուրին:
Ինչպես հաղորդում է newsru.com-ը, ենթադրվում է, որ միջոցառման շրջանակում ընկերությունը կներկայացնի Mac համակարգիչների թարմացված շարքը, որոնք կդառնան առաջին անհատական համակարգիչները, որ լռելյայն կաշխատեն macOS Sierra համակարգի բազայում, որը պաշտոնապես գործարկվել է Apple-ի կողմից սեպտեմբերի վերջին:
Apple-ի նոր համակարգիչների հնարավոր բնութագրիչները հայտնի չեն: Ընդ որում, ավելի վաղ համացանցում լուրեր են հայտնվել, որ ընկերությունը նախատեսում է ներկայացնել թարմացված MacBook Pro նոութբուքեր: Աղբյուրների տեղեկություններով, դրանք կլինեն ավելի բարակ, ինչպես նաև կունենան OLED սենսորային էկրան, որը կփոխարինի ֆունկցիոնալ ֆիզիկական կոճակները:
Բացի այդ, նոր MacBook Pro-ն կունենա AMD ընկերության բարելավված գրաֆիկական չիպեր, որոնք պատասխանում են գեյմերների պահանջներին, և կունենան Touch ID մատնահետքերի սքաներ: Վերջապես, համակարգիչները կունենան ունվերսալ USB Type-C բնիկ:
Հիշեցնենք, որ Apple-ի նախորդ շնորհանդեսը տեղի է ունեցել սեպտեմբերի սկզբին: Դրա ժամանակ ընկերությունը ներկայացրել է iPhone 7 և 7 Plus սմարթֆոնները, ինչպես նաև` թարմացված Watch սմարթ-ժամացույցը: -0-