USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
+7

Երևանում մեկնարկել է WCIT-2019 ՏՏ համաշխարհային 23–րդ համաժողովը. LIVE

07.10.2019, 10:55
Երևանում մեկնարկել է WCIT-2019 ՏՏ համաշխարհային 23–րդ համաժողովը, որն առաջին անգամ է անցկացվում Հայաստանում։
Երևանում մեկնարկել է WCIT-2019 ՏՏ համաշխարհային 23–րդ համաժողովը. LIVE

ԵՐԵՎԱՆ, 7 հոկտեմբերի./ԱՌԿԱ/. Երևանում մեկնարկել է WCIT-2019 ՏՏ համաշխարհային 23–րդ համաժողովը, որն առաջին անգամ է անցկացվում Հայաստանում։

Նախօրեին Հանրապետության հրապարակում տեղի է ունեցել նվագախմբի բացառիկ համերգ, որի կազմում ներառվել են աշխարհի այն 15 երկրների երաժիշտները, որտեղ անցկացվել է WCIT–ը։ Այնուհետև ելույթ է ունեցել աշխարհահռչակ դիջեյ և երաժշտական պրոդյուսեր Արմին վան Բյուրենը։

WCIT–ը ՏՏ ոլորտի նշանակալից միջոցառում է, որն անցկացվում է ՀՀ կառավարության աջակցության և բարձր հովանու ներքո։

Այս տարի WCIT 2019–ն անցկացվում է «Ապակենտրոնացման ուժ. հեռանկարներ և ռիսկեր» խորագրով։ Համաժողովի ժամանակ քննարկվելու է, թե ինչպես են տեղեկատվական և հեռահաղորդակցական տեխնոլոգիաներն ազդում եկամտի և բարեկեցության, հուսալիության և անվտանգության, ժողովրդավարության և մարդասիրության վրա։

Ակնկալվում է, որ համաժողովին կմասնակցի ավելի քան 2500 մարդ աշխարհի 70 երկրներից, որոնց թվում են ՏՏ ոլորտի խոշորագույն առաջնորդներ և առաջատար ընկերությունների ղեկավարներ, ներդրողներ, քաղաքական գործիչներ և կառավարական պաշտոնյաներ, ձեռներեցներ և գիտնականները։ WCIT 2019–ը բացառիկ հնարավորություն է Հայաստանի համար աշխարհին ցուցադրելու գիտության և տեխնոլոգիաների ոլորտում առկա հայկական տաղանդն ու հեռանկարները։–0–