Երիտասարդը 12 հազար եվրո կվճարի սերիալի մեկ սերիայի ներբեռնման համար
ԵՐԵՎԱՆ, 28 նոյեմբերի. /ԱՌԿԱ/. Ֆինլանդիայի քաղաքացին պետք է 12 հազար եվրո վճարի «Սև առագաստներ» հեռուստասերիալի մեկ սերիան ներբեռնելու և տարածելու համար։
Սերիալի իրավունքները պատկանում են HBO ամերիկյան հեռուստաընկերությանը։
Ինչպես հաղորդում է securitylab.ru–ն, հղում անելով yle.fi ֆինանսական պորտալին, Hedman Partners իրավաբանական ընկերության փորձագետները, որը զբաղվում է հեղինակային իրավունքների խախտման գործերով, պարզել են ցանցահենի IP հասցեն։ Տվյալները փոխանցվել են դատարան` IP հասցեի սեփականատիրոջ անձնական տվյալները պարզելու համար թույլտվություն ստանալու նպատակով։
Պարզելով ցանցահենի ինքնությունը` իրավաբանները նրան նամակ են ուղարկել` պահանջելով վճարել 600 եվրոյի փոխհատուցում, հակառակ դեպքում նրա գործը կփոխանցվի դատարան։ Երիտասարդը հրաժարվել է վճարել, սակայն դատարանում կողմերը եկել են համաձայնության, և պատասխանող կողմը համաձայնվել է փոխհատուցել 12 417 եվրո։
Ինչպես նշել է Hedman Partners–ի իրավաբան Յոնի Հաթանմաան, օգտատերերը հաճախ են գնում նման վեճերի խաղաղ կարգավորման, քանի որ դատավարության դեպքում նրանք ստիպված կլինեն շատ ավելի մեծ գումար վճարել։–0–