Նոր անակնկալներ Beeline-ից` նոր ուսումնական տարվա կապակցությամբ
ԵՐԵՎԱՆ, 5 սեպտեմբերի. /ԱՌԿԱ/. «ԱրմենՏել» ՓԲԸ–ն (Beeline ապրանքանիշ) շարունակում է նոր ուսումնական տարվա մեկնարկի կապակցությամբ անակնկալներ մատուցել իր բաժանորդներին:
Ինչպես հայտնում են ընկերության մամուլի ծառայությունից, «Դպրոց նոր սմարթֆոնով» ակցիայի շրջանակում Beeline-ի Վաճառքի և սպասարկման գրասենյակներում սմարթֆոնների գնորդները ստանում են բլոկնոտներ և գրիչներ:
Գրենական պիտույքները տրամադրվում են սեպտեմբերի 1-ից սկսած՝ առաջին 2000 հաճախորդներին:
Բացի այդ, ընկերությունից հայտնում են, որ «Դպրոց նոր սմարթֆոնով» ակցիայի շրջանակում Beeline-ի բրենդավորված սմարթֆոնները վաճառվում են մինչև 50% զեղչով: «Այսպիսով՝ Beeline Fast սմարթֆոնը հասանելի է 24 900 դրամով, Beeline Pro-ն՝ 20 900 դրամով, Beeline Pro 5-ը՝ 25 900 դրամով, Beeline Pro 4-ը՝ 22 900 դրամով, Beeline Smart 8-ը՝ 19 900 դրամով, իսկ Beeline Pro 6-ը՝ 32 900 դրամով: Ակցիան շարունակվելու է մինչև սեպտեմբերի 30-ը»,– նշվում է հաղորդման մեջ։
Օգտվելով այս ակցիայից՝ բաժանորդները ստանում են նաև նոր հեռախոսահամար և «Սմարթ 1500» կանխավճարային փաթեթից մեկ ամիս անվճար օգտվելու հնարավորություն: Այս սակագնային փաթեթը ներառում է 10 000 րոպե Beeline բջջային ցանցի ներսում, 1500 ՄԲ գերարագ ինտերնետ, 150 SMS տեղական ցանցերում և 10 հեռուստաալիք՝ BeeTV հավելվածով դիտելու համար:
«Այս փոքրիկ անակնկալը թող ոգևորի մեր աշակերտներին ու ուսանողներին իրենց ուսման մեջ և հիշեցնի, որ Beeline-ը իրենց հետ է այդ բարդ և կարևոր ճանապարհին: Մեր հեռախոսների օգնությամբ նրանք կկարողանան միշտ կապի մեջ լինել իրենց հարազատների հետ: Բացի այդ, հուսով եմ, որ նրանք կօգտագործեն այս սմարթֆոնների ու տրամադրվող սակագնային փաթեթի հնարավորությունները նոր գիտելիքներ ձեռք բերելու համար, ինչը նրանց կյանքը կդարձնի ավելի լավը», - ասել է Հայաստանում Beeline-ի Գլխավոր տնօրեն Անդրեյ Պյատախինը:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-