Հայաստանում սոցիալական ծառայությունները պետք է հասանելի լինեն առցանց ռեժիմով. ՀՀ վարչապետ
13.10.2016,
13:19
ՀՀ վարչապետ Կարեն Կարապետյանը հինգշաբթի կառավարության նիստի ժամանակ Աշխատանքի և սոցիալական հարցերի նախարար Արտեմ Ասատրյանին հանձնարարել է գործարկել սոցիալական ծառայությունների էլեկտրոնային դիմումի հնարավորություն։
ԵՐԵՎԱՆ, 13 հոկտեմբերի. /ԱՌԿԱ/. ՀՀ վարչապետ Կարեն Կարապետյանը հինգշաբթի կառավարության նիստի ժամանակ Աշխատանքի և սոցիալական հարցերի նախարար Արտեմ Ասատրյանին հանձնարարել է գործարկել սոցիալական ծառայությունների էլեկտրոնային դիմումի հնարավորություն։
Մասնավորապես, կառավարության ղեկավարի խոսքով, ծառայությունները հարկավոր է ավելի հասանելի դարձնել` հաշվի առնելով ժամանակակից տեղեկատվական տեխնոլոգիաների հնարավորությունները:
Հարկավոր է առաջարկներ ներկայացնել երեխայի ծննդյան նպաստ ստանալու համար առցանց դիմելու հնարավորության մասին», - ասաց Կարապետյանը։
«Հարկավոր է նաև վերլուծել կենսաթոշակների և նպաստների նշանակման գործընթացները և դրանց օպտիմալացման առաջարկներ ներկայացնել», - ասաց Կարապետյանը: -0-