«ԱրմենՏելը» նվազեցնում է Ղարաբաղում ռոմինգի սակագները
«2016թ. ապրիլի 2-ից սկսած` ԼՂՀ-ում (+374 97 ցանցում) ռոումինգում գտնվող Beeline բջջային կապի բաժանորդների համար կգործի խոսակցության մեկ րոպեի համար 5 դրամ միասնական սակագինը` բոլոր մուտքային և ելքային զանգերի և SMS հաղորդագրությունների համար», - նշվում է ընկերության հայտարարության մեջ:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–