Ucom Ունիվերսալ Պլյուս սակագնային պլանների կորպորատիվ բաժանորդները կզանգեն Ռուսաստանի բոլոր ցանցեր ներառված րոպեներից
ԵՐԵՎԱՆ, 29 նոյեմբերի./ԱՌԿԱ/. Ասյուհետ Ucom ընկերության Ունիվերսալ Պլյուս հետվճարային սակագնային պլանների կորպորատիվ բաժանորդները կզանգեն Ռուսաստանի բոլոր ցանցեր համապատասխան սակագնային պլանում ներառված րոպեներից, հաղորդում է Ucom ընկերության մամուլի ծառայությունը։
Ծառայությանը միանալու դեպքում բաժանորդները հնարավորություն կստանան մեկտեղելու 2 համար 1 SIM քարտում։ Հայկական համարը նախատեսված է տեղական գործընկերներին և հաճախորդներին զանգելու և նրանցից զանգեր ստանալու համար, իսկ ռուսականը՝ ռուսաստանյան։
«Ունիվերսալ Պլյուս հետվճարային ծառայության բաժանորդները կկարողանան օգտագործել մինչև 6000 ներառված րոպեները ոչ միայն տեղական և Ռուսաստանի Դաշնության բոլոր ցանցեր, այլև Արցախ, ԱՄՆ և Կանադա զանգելու համար։ Ինչպես և անհատ բաժանորդները, մեր կորպորատիվ հաճախորդները նույնպես կարիք չունեն մտապահելու, թե նշյալ երկրների որ ցանցն են զանգում», - ասել է Ucom ընկերության համահիմնադիր և գլխավոր տնօրեն Հայկ Եսայանը։
Հավելենք, որ ներառված րոպեներն սպառելուց հետո բաժանորդները կարող են զանգել Ռուսաստան, ԱՄՆ և Կանադա 15 դրամ/րոպե սակագնով։ Հայաստանից դուրս, այդ թվում՝ նաև Ռուսաստանում գտնվելիս, բաժանորդները կօգտվեն ռոմինգից՝ համաձայն Ucom ռոմինգ ծառայության ընթացիկ սակագների և պայմանների: Այս առաջարկի շրջանակներում բաժանորդի ռուսական համարին ստացված զանգերը վերահասցեավորվում են SIM քարտի հայկական հեռախոսահամարին:
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում:-0-