«Յանդեքս.Նովոստի» ծառայությունը նախատեսում է 2012թ.-ին Հայաստանի լրատվական աղբյուրների հաշվառում իրականացնել
ԵՐԵՎԱՆ, 26 սեպտեմբերի. /ԱՌԿԱ/. «Յանդեքս.Նովոստի» ծառայությունը նախատեսում է 2012թ.-ին Հայաստանի լրատվական աղբյուրների հաշվառում և լուրերի առանձին թողարկումներ սկսել, ուրբաթ Երևանում կայացած «Ինչպես է աշխատում «Յանդեքս.Նովոստի» ծառայությունը» սեմինարի ընթացքում ասել է «Յանդեքս. Նովոստի» ծառայության ղեկավար Լև Գերշենզոնը:
«Մենք հուսով ենք, որ այդ արտադրանքը (հայկական աղբյուրների հաշվառումը) առավել համարժեք և շատ կարտացոլի այն, ինչը հետաքրքրում է լրատվական դաշտում հայ ընթերցողին: Մենք հավատում ենք, որ արտադրանքի որակը դանդաղ, բայց հստակ ինքն է խոսումիր մասին: Հնարավոր է, որ դա լինի 2012թ.-ին»,- ասել է նա:
Գերշենզոնը նշել է, որ այսօր դժվար է ասել, թե արդյոք 2012թ.-ին հայերեն լեզվով լուրերի թողարկում կլինի՞, թե՞ ոչ, բայց այժմ դա ավելի հեշտ է կազմակերպել:
«Մեզ թվում է, որ դա ավելի հեշտ է, քան մեկ տարի առաջ, երբ մենք առաջին անգամ ներառեցինք մեկ այլ լեզու՝ ուկրաիներենը: Այժմ մենք ավելի շատ փորձ ունենք»,- պարզաբանել է նա:
Հայաստանի ամենամեջբերված լրատվամիջոցների թոփ-տասնյակում, ըստ «Յանդեքս.Նովոստի»-ի վարկածի, ներառվել են լրատվական գործակալություններ, այդ թվում` «Նովոստի-Արմենիա» միջազգային տեղեկատվական գործակալությունը և Armbanks.am ռեսուրսը: --0—