«ԱՌԿԱ» գործակալությունը ներկայացրել է Arkatelecom.am թարմացված կայքը
ԵՐԵՎԱՆ, 11 փետրվարի․/ԱՌԿԱ/․ «ԱՌԿԱ» լրատվական գործակալությունը հայտնում է Arkatelecom.am թարմացված կայքի գործարկման մասին, որը 2008թ․–ից Հայաստանի բարձր տեխնոլոգիաների և հեռահաղորդակցության ոլորտում գործող առաջին մասնագիտացված ռեսուրսն է։
«Թարմացված կայքի գործարկումը կարևոր քայլ է մեր պորտալի զարգացման գործում: Մենք ձգտում ենք մեր ընթերցողներին տրամադրել ամենաարդիական և որակյալ տեղեկատվությունը հարմար և ժամանակակից ձևաչափով: Վստահ ենք, որ կայքի նոր հնարավորությունները մեզ թույլ կտան ավելի լիարժեք լուսաբանել իրադարձությունները բարձր տեխնոլոգիաների, հեռահաղորդակցության և արհեստական բանականության ոլորտում»,- ասել է «ԱՌԿԱ» գործակալության տնօրեն Կոնստանտին Պետրոսովը։
«ԱՌԿԱ» լրատվական գործակալությունը (arka.am) գործում է 1996 թվականի մայիսի 1-ից։ Այսօր «ԱՌԿԱ» մեդիա հոլդինգի կազմում ընդգրկված են նաև arkatelecom.am հեռահաղորդակցության և բարձր տեխնոլոգիաների պորտալը և armbanks.am ֆինանսաբանկային պորտալը։
Այսօր գործակալության հաճախորդների թվում են ԱՄՀ–ն, ՎԶԵԲ–ը, IFC–ին, ԵԱԶԲ–ն, BSTDB–ին և այլն: