Monte Melkonyan Cyber Army հայկական հաքերային խումբը կոտրել է ադրբեջանական կայքեր, այդ թվում` դեսպանությունների և բանկի կայքեր
21.10.2014,
11:28
Հայկական Monte Melkonyan Cyber Army-ն կոտրել է մի քանի ադրբեջանական կայքեր, ասվում է նախօրեին խմբի կողմից տարածած հաղորդագրությունում։
ԵՐԵՎԱՆ, 21 հոկտեմբերի. /ԱՌԿԱ/. Հայկական Monte Melkonyan Cyber Army-ն կոտրել է մի քանի ադրբեջանական կայքեր, ասվում է նախօրեին խմբի կողմից տարածած հաղորդագրությունում։
«Կոտրվել են ադրբեջանական բավականին լուրջ ռեսուրսներ, այդ թվում՝ Բելգիայում և Լեհաստանում Ադրբեջանի դեսպանությունների կայքերը, բանկի, արդարադատության նախարարության և ապրանքների վաճառքների կայքեր»,– ասվում է հաղորդման մեջ։
Նախօրեին տեղեկատվական անվտանգության հայ փորձագետ Սամվել Մարտիրոսյանը նախազգուշացրել էր ադրբեջանցի հաքերների ակտիվացման և որոշ ռեսուրսների գրոհի մասին, ինչի հետևանքով կոտրվել են ավելի քան մեկ տասնյակ հայկական կայքեր։-0-