ՀՀ մշակույթի նախարարությունը Հայաստանի մշակութային ժառանգության էլեկտրոնային շտեմարան կստեղծի
07.02.2014,
19:08
Հայաստանի մշակութային ժառանգության էլեկտրոնային շտեմարանի ստեղծումը կդառնա Մշակույթի նախարարության 2014 թ.–ի հիմնական առաջնահերթություններից մեկը, ուրբաթ լրագրողներին հայտարարել է գերատեսչության ղեկավար Հասմիկ Պողոսյանը։
ԵՐԵՎԱՆ, 7 փետրվարի. /ԱՌԿԱ/. Հայաստանի մշակութային ժառանգության էլեկտրոնային շտեմարանի ստեղծումը կդառնա Մշակույթի նախարարության 2014 թ.–ի հիմնական առաջնահերթություններից մեկը, ուրբաթ լրագրողներին հայտարարել է գերատեսչության ղեկավար Հասմիկ Պողոսյանը։
«Սկսած այս տարվանից` Հայաստանի ազգային գրադարանը, այլ գրադարանների հետ համագործակցությամբ, կիրականացնի հայկական պարբերական տպագրության և հայկական գրքի թվայնացման ծրագիրը», – ասել է Պողոսյանը։
Նրա խոսքերով` համապատասխան սարքավորումները հայկական կողմին նվիրել է Բրիտանիայի ազգային գրադարանը։
Թվայնացված նյութերը կտեղադրվեն Հայաստանի ազգային գրադարանի կայքում։–0–