Բազմաթիվ հայաստանյան լրատվամիջոցների ֆեյսբուքյան էջերից կոնտենտ է ջնջվում․ փորձագետ
17.07.2024,
15:19
Տեղեկատվական անվտանգության փորձագետ Արթուր Պապյանը հայտնել է, որ բազմաթիվ հայաստանյան լրատվամիջոցների ֆեյսբուքյան էջերից կոնտենտ է ջնջվում
ԵՐԵՎԱՆ, 17 հուլիսի․/ԱՌԿԱ/․ Տեղեկատվական անվտանգության փորձագետ Արթուր Պապյանը հայտնել է, որ բազմաթիվ հայաստանյան լրատվամիջոցների ֆեյսբուքյան էջերից կոնտենտ է ջնջվում։
«Վերջին երկու֊երեք շաբաթներին բազմաթիվ հայաստանյան լրատվամիջոցների ֆեյսբուքյան էջերից կոնտենտ է ջնջվում՝ հաճախ բոլորովին անհասկանալի պատճառներով», – գրել է Պապյանը Facebook–յան իր էջում։
Փորձագետը նշել է, որ Meta-ի ներկայացուցչի հետ կապի մեջ է, խնդրել է իր գրառման տակ հրապարակել ֆեյսբուքյան այն էջերի հղումները, որոնցից վերջին երկու շաբաթվա ընթացքում կոնտենտ է ջնջվել կամ արգելափակվել։
Պապյանի Facebook–յան էջում հայտնվել են տասնյակ նման հղումներ։