VivaCell-MTS-ը «ՄՏՍ կոնեկտ անսահմանափակ» սակագնային պլանի շրջանակներում հինգ անգամ ավելացրել է տրամադրվող ինտերնետի ծավալը
ԵՐԵՎԱՆ, 19 հուլիսի. /ԱՌԿԱ/. VivaCell-MTS բջջային օպերատորը հայտարարում է, որ այժմ «ՄՏՍ կոնեկտ անսահմանափակ» սակագնային պլանի բաժանորդները, օգտվելով անսահմանափակ ինտերնետից, կստանան ամսական 5 ԳԲ գերարագ ինտերնետ նախկին 1 ԳԲ-ի փոխարեն:
Ինչպես «ԱՌԿԱ» գործակալությանը հայտնեցին ընկերության մամուլի ծառայությունից, բաժանորդը շարունակում է վճարել միևնույն ամսավճարը, սակայն տրամադրվող գերարագ ինտերնետի ծավալը հնգապատկվում է:
Միաժամանակ սակագնային պլանով 1 տարով բաժանորդագրվելու դեպքում «ՄՏՍ կոնեկտ» մոդեմը տրամադրվում է անվճար:
VivaCell-MTS-ը գործում է հայկական շուկայում 2005 թ.-ից, ընկերությունը մինչև 2019 թ.-ի վերջն ունի GSM 900/1800 ստանդարտի արտոնագրեր: VivaCell-MTS-ի բաժնետոմսերի 80 տոկոսը պատկանում է Ռուսաստանում և ԱՊՀ երկրներում բջջային կապի խոշորագուն օպերատոր «Մոբիլնիյե Տելեսիստեմի» (ՄՏՍ) ԲԲԸ-ին, մնացած 20 տոկոսը պատկանում է Fattouch Group լիբանանյան ներդրումային խմբին: (1 դոլարը 363,35 դրամ է) -0-