USD
381.43
EUR
440.89
RUB
4.8627
GEL
141.17
2025 թ. նոյեմբերի 30, կիրակի
եղանակը
Երևանում
0

Հայկական տիեզերական DeepSat ստարտափը պայմանգիր է կնքել ԱՄՆ ռազմաօդային ուժերի հետ

28.08.2025, 11:31
Պայմանագրի շնորհիվ DeepSat-ը կկարողանա արագ զարգացնել և փորձարկել իր  արբանյակային համակարգը, որը նախատեսված է իրական ժամանակում շարունակական մոնիթորինգ իրականացնելու համար
Հայկական տիեզերական DeepSat ստարտափը պայմանգիր է կնքել  ԱՄՆ ռազմաօդային ուժերի հետ

ԵՐԵՎԱՆ, 28 օգոստոսի․/ԱՌԿԱ/.   Լոս Անջելեսում գործող DeepSat ստարտափը, որը կենտրոնացած է ուղեծրից Երկրի դիտարկման օպերատիվ համակարգերի կառուցման վրա, ընտրվել է ԱՄՆ ռազմաօդային ուժերի հետազոտական ​​լաբորատորիայի (AFRL) կողմից Փոքր բիզնեսի նորարարական հետազոտությունների (SBIR) նախաձեռնության (AFWERX) պայմանագրի շրջանակում «Direct to Phase II» ծրագրին մասնակցելու համար։

«Սա թույլ է տալիս DeepSat-ին արագորեն մշակել և փորձարկել իր արբանյակային համակարգը շարունակական, օպերատիվ մոնիթորինգ իրականացնելու համար՝ լրացնելով ազգային անվտանգության և շրջակա միջավայրի վերահսկման բացերը, մասնավորապես Հնդկա-խաղաղօվկիանոսյան տարածաշրջանի ծովային տիրույթում և դրանից դուրս», - ասվում է ընկերության հայտարարության մեջ։

«Ուղիղ դեպի II փուլ» պայմանագիրը շրջանցում է I փուլի ավանդական տարբերակը՝ ցուցադրելով DeepSat-ի առաջադեմ տեխնոլոգիական հասունությունը, առաքելության պատրաստվածությունը և կարևորագույն առաքելության կարողությունները։

AFRL-ի կողմից DeepSat-ի ընտրությունը արտացոլում է մարտավարական Երկրի հետախուզության աճող պահանջարկը, որը և ՛ ճկուն է, և՛ մասշտաբային։ Մենք ոգևորված ենք օգնելու լուծել աշխարհի ամենահրատապ անվտանգության մարտահրավերներից մեկը»,- նշել է DeepSat-ի համահիմնադիր եւ գործադիր տնօրեն Ներսես Օհանյանը։

DeepSat-ի մասին

DeepSat-ը մշակում է առաջադեմ շատ ցածր ուղեծրով (VLEO) արբանյակային համակարգ, որը միավորում է բարձր հաճախականությամբ դիտարկման հնարավորություններ և արհեստական բանականություն՝ ուղեծրից տվյալների մշակման նպատակով։ Նախագծվող համակարգն ուղղված է Երկրի դիտարկման ոլորտին, ներառյալ՝ նավերի հայտնաբերում, էներգետիկ ենթակառուցվածքների մոնիտորինգ և բնական աղետների ազդեցության գնահատում՝ քաղաքացիական, առևտրային և պաշտպանական ոլորտներում։