Հայ երիտասարդները` հեռակառավարվող թերմոսի հեղինակներ
31.03.2016,
13:12
Մի խումբ հայ երիտասարդներ ստեղծել են Yecup 365 հեռակառավարվող թերմոսը:
ԵՐԵՎԱՆ, 31 մարտի. /ԱՌԿԱ/. Մի խումբ հայ երիտասարդներ ստեղծել են Yecup 365 հեռակառավարվող թերմոսը, գրում է indiegogo–ն։
Այն առաջին թերմոսն է, որի ջերմաստիճանը կարելի է կառավարել հենց սմարթֆոնից` ներբեռնելով Yecup 365 հավելվածը, որը հասանելի է Android–ի և iOS–ի համար։ Սմարթֆոնի վրա հնարավոր է տեսնել, թե ինչ վիճակում է թերմոսի հեղուկը` տաք, թե սառը։
Yecup –ի միջոցով կարելի է հաշված րոպեներում սառեցնել կամ տաքացնել թերմոսում գտնվող հեղուկը, և այդ վիճակում պահել ողջ օրվա ընթացքում։
Yecup 365–ի օգնությամբ կարելի է անգամ լիցքավորել սմարթֆոնը։
Թերմոսը, մասնավորապես, շատ հարմար է այն մարդկանց համար, ովքեր շատ են ճանապարհորդում։ –0–