ՎիվաՍել–ՄՏՍ ընկերությունը ներկայացրել է «МТС Hay-Fi» նոր բջջային մոդեմը
ԵՐԵՎԱՆ, 18 հունվարի. /ԱՌԿԱ/. ՎիվաՍել-ՄՏՍ-ն առաջարկում է «ՄՏՍ Hay-Fi» շարժական փոքր մոդեմը, որը թույլ է տալիս ստեղծել ինտերնետի մուտքի շարժական կետ` ընկերների, ընտանիքի անդամների և շարժուն աշխատանքային խմբերի համար, հաղորդում է ընկերության մամուլի ծառայությունը։
«Գրպանում տեղավորվող և ինտերնետ հասանելիության ամենօրյա կարիքները բավարարող հարմարավետ այս սարքն ընձեռում է հետևյալ հնարավորությունները. ինտերնետ հասանելիության ապահովում և ներքին ցանցի ստեղծում մինչև 10 սարքի համար (նոութբուք, սեղանի համակարգիչ, պլանշետային համակարգիչ, սմարթֆոն, տեսա- կամ ֆոտոխցիկ, խաղային սարքեր և այլն), պաշտպանված ներքին անլար ցանցի ստեղծում, անմիջապես համակարգչից SMS-ների ուղարկում և ստացում»,– ասվում է հաղորդագրության մեջ։
«ՄՏՍ Hay-Fi» մոդեմը գործարկելու համար անհրաժեշտ է պարզապես տեղադրել համապատասխան բջջային քարտն «ՄՏՍ Hay-Fi»-ի մեջ:
«Եթե սարքը չունի Wi-Fi-ի հնարավորություն, այն կարելի է «ՄՏՍ Hay-Fi»-ին միացնել USB լարի միջոցով»,– հաղորդում է ընկերությունը։
ՄՏՍ Hay-Fi»-ն արժե 32000 դրամ: Այն համատեղելի է ստորև բերված «ՄՏՍ կոնեկտ» չորս սակագնային պլաններից յուրաքանչյուրի հետ:
Ի դեպ, առնվազն 18 ամսով բաժանորդագրվելու դեպքում սարքը տրամադրվում է հատուկ պայմաններով. «ՄՏՍ կոնեկտ անսահմանափակ», «ՄՏՍ կոնեկտ անսահմանափակ +» օգտատերերը մոդեմը կստանան անվճար, իսկ ՄՏՍ կոնեկտ 256» և «ՄՏՍ կոնեկտ ուսանողական» բաժանորդները կարող են մոդեմը ձեռք բերել 5000 և 3000 դրամով, համապատասխանաբար։
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:
ՎիվաՍել-ՄՏՍ-ը 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: --0—