ՎիվաՍել-ՄՏՍ-ի նոր` Facebook SMS ծառայությունը թույլ կտա Facebook-ում շփվել նաև SMS հաղորդագրությունների միջոցով

ԵՐԵՎԱՆ, 22-ը մայիսի. /ԱՌԿԱ/. ՎիվաՍել-ՄՏՍ-ը` «ՄՏՍ» ԲԲԸ-ի դուստր ընկերությունը, ուրախ է տեղեկացնել, որ այժմ «Facebook SMS» ծառայության շնորհիվ կարելի է բջջայինի միջոցով շփվել Facebook-ում` առանց ինտերնետ օգտագործելու:

Ինչպես տեղեկացնում են ընկերության մամուլի ծառայությունից, ակտիվացնելով ծառայությունը՝ SMS-ի միջոցով կարելի է ստանալ հաղորդագրությունները, պատի գրառումները, մեկնաբանությունները, ընկերանալու հայտերն ու բազմաթիվ այլ ծանուցումներ, որոնց կարելի է արձագանքել` ուղարկելով պատասխան հաղորդագրություններ: Բացի այդ, օգտագործողն ինքը կարող է թարմացնել կարգավիճակը և կատարել մի շարք այլ գործողություններ` ուղարկելով համապատասխան հրահանգը 32665 համարին:

Ինչպես նշված է հաղորդագրության մեջ, նշված հնարավորություններից օգտվելու համար օգտագործողը պետք է Facebook-ի իր էջից մուտք գործի «Հաշվի կարգավորումներ» բաժինը, ընտրի «Բջջային» հղումը և ակտիվացնի տեքստային հաղորդագրությունները (եթե հաշվում նշված չէ հեռախոսահամար, ապա նախ կպահանջվի ավելացնել համարը): Ծառայությունը կարելի է ակտիվացնել նաև` ուղարկելով fb կամ f տեքստը պարունակող SMS 32665 կարճ համարին:

Ծանուցումները բաժանորդին կուղարկվեն 32665-ով սկսվող համարներից և յուրաքանչյուրին արձագանքելու համար անհրաժեշտ կլինի պատասխանել հենց տվյալ հաղորդագրությանը:

«Facebook SMS» ծառայության միջոցով ստացվող ծանուցումներն անվճար են, իսկ յուրաքանչյուր պատասխան հաղորդագրություն կամ 32665 համարին ուղարկվող այլ հրահանգ արժե 4 դրամ (ներառյալ ԱԱՀ):

32665 համարին ուղարկվող հրահանգներ.

 

Գործողություն	Հրահանգ
Ակտիվացնել ծառայությունը	f
	fb
Թարմացնել կարգավիճակը	<կարգավիճակի տեքստը>
Օգնություն*	help
	aide
Ուղարկել լուսանկարներ` Facebook-ի էջում տեղադրելու համար*	photo
	photos
Անջատել ծանուցումների ստացումը	stop
	off
Նորից միացնել ծանուցումների ստացումը	on
	start

* Նշված հնարավորություններից օգտվելու համար անհրաժեշտ է ինտերնետ միացում:

 

 

Ծանուցումների պատասխան SMS-ներում օգտագործվող հրահանգներ

 

Գործողություն	Հրահանգ
Հավանել	like
Մեկնաբանել	<մեկնաբանության տեքստը>
Բզել (ի պատասխան)	p
	poke
Ընդունել ընկերանալու առաջարկը	add
Դադարեցնել տվյալ զրույցի ծանուցումները	mute

 ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի շարժական կապի օպերատոր է, որն ունի 2G/3.75G/4G ցանց և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, ՎիվաՍել-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա:--0-