Ucom-ն ամանորյա անակնկալներ է պատրաստել իր բոլոր բաժանորդների համար
ԵՐԵՎԱՆ, 16 դեկտեմբերի. /ԱՌԿԱ/. Ucom-ն ամանորյա անակնկալներ է պատրաստել իր բոլոր բաժանորդների համար։
Ինչպես տեղեկացրեցին ընկերության մամուլի ծառայությունից, Ամանորյա տոների ընթացքում Ucom ընկերության բոլոր բաժանորդները կվայելեն վառ և հետաքրքիր հեռուստաեթեր և շատ արագ ինտերնետ:
«Triple Play» փաթեթի բոլոր բաժանորդները երկու ամիս շարունակ կունենան մինչև 100Մբ/վ արագությամբ ինտերնետ, կվայելեն Ucom հեռուստատեսային փաթեթում ներառված բոլոր HD ալիքները, ինչպես նաև որպես նվեր կստանան Ucom–ի տեսավարձույթի «New Year» բաժնից 24 ֆիլմ դիտելու հնարավորություն:
Ինտերնետի արագությունը, կախված սակագնային փաթեթից, կավելանա հետևյալ կերպ. Triple Play Select սակագնային փաթեթի բաժանորդների համար ակցիայի շրջանակում ինտերնետի արագությունը կկազմի 50 Մբ/վ, իսկ Play Classic, Triple Play Rock և Triple Play Jazz սակագնային փաթեթների բաժանորդների համար ինտերնետի արագությունը կկազմի 100 Մբ/վ։
U!TV փաթեթի բաժանորդները հնարավորություն կունենան վայելել Ucom–ի հեռուստատեսային փաթեթում ներառված բոլոր բարձրակարգ HD ալիքները, ինչպես նաև որպես նվեր կստանան Ucom–ի տեսավարձույթի «New Year» բաժնից 24 ֆիլմ դիտելու հնարավորություն:
«U!Net» փաթեթի բաժանորդները կստանան մինչև 100Մբ/վ արագությամբ ինտերնետ՝ կախված իրենց սակագնային փաթեթից։ Մասնավորապես ակցիայի գործողության ընթացքում U!Net Lite սակագնային փաթեթի բաժանորդները կստանան 25 Մբ/վ արագությամբ ինտերնետ, U!Net Starter սակագնային փաթեթի բաժանորդները` 50 Մբ/վ արագությամբ ինտերնետ, U!Net Basic և U!Net Ultra սակագնային փաթեթների բաժանորդները` 100 Մբ/վ արագությամբ ինտերնետ։
Բացի այդ, Ucom ընկերության Triple Play և U!TV փաթեթների բաժանորդները հնարավորություն կունենան վայելել նոր ուրախ և ամանորյա հեռուստաալիք՝ Ձմեռ Պապի հեռուստաալիքը (Телеканал Деда Мороза):
Ամանորյա առաջարկը կգործի 2015թ. դեկտեմբերի 1-ից մինչև 2016թ. հունվարի 31-ը:
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից ($1 – 483,98 դրամ)։ -0-