Ucom-ը հայտնում է Երևանի Կենտրոնում կապի խնդրի մասին
03.07.2025,
11:02
Ucom-ը հաղորդում է, որ Երևանի Կենտրոն վարչական շրջանում այրված էլեկտրական մալուխների պատճառով որոշ հասցեներում ժամանակավորապես անհասանելի են ֆիքսված և շարժական կապի ծառայությունները
ԵՐԵՎԱՆ, 3 հուլիսի․/ԱՌԿԱ/․ Հարգելի բաժանորդներ, Կենտրոն վարչական շրջանում հոսանքի լարերի այրման պատճառով այդ հատվածի մի շարք հասցեներում ֆիքսված և շարժական կապի ծառայությունները ժամանակավորապես անհասանելի են։
Այս մասին հաղորդագրություն է տարածել Ucom ընկերությունը։
Մեր տեխնիկական թիմն անում է առավելագույնը կապի արագ վերականգնման համար, սակայն պետք է նշենք, որ վերականգնման աշխատանքները կտևեն մինչև 10 ժամ։
«Հայցում ենք Ձեր ներողամտությունը պատճառված անհարմարության համար։ Շնորհակալ ենք Ձեր համբերության և ըմբռնման համար»,-նշված է հաղորդագրության մեջ։