Twitter–ի օգտատերերը ԴիԿապրիոյի «Օսկարի» մասին ռեկորդային թվով թվիթեր են գրել

ԵՐԵՎԱՆ, 1 մարտի. /ԱՌԿԱ/. «Օսկարի» հերթական մրցանակաբաշխությունը նշանավորվել է Twitter միկրոբլոգերի ծառայությունների նոր ռեկորդով, ասվում է NEWSru խմբակցությունում ստացված մամուլի հաղորդագրությունում։

 «Նրանից հետո, երբ հայտնի է դարձել, որ Լեոնարդո ԴիԿապրիոն (@LeoDiCaprio) վերջապես ստացել է երկար սպասված արձանիկը «Ողջ մնացածը» ֆիլմի տղամարդու լավագույն դերի համար, Twitter–ի օգտատերերը մեկ րոպեում այդ իրադարձությանը նվիրված ավելի քան 440 000 թվիթ են գրել»,– ասվում է հաղորդման մեջ։

Հիշեցնենք, որ «Օսկարի» մրցանակի հետ կապված Twitter–ի նախորդ ռեկորդը սահմանվել էր 2014 թվականի մրցանակաբաշխության ժամանակ։ Այն ժամանակ սերվիսի օգտագործողները րոպեում 225 000 հաղորդում էին գրել, իսկ նրանց ակտիվության պատճառն արարողության հաղորդավար Էլեն ԴեՋեներեսի աստղային սելֆին էր։ Այդ լուսանկարների ռեթվիթների ընդհանուր թիվը ներկայում գերազանցում է երեք միլիոնը։  

Հիշեցնենք, որ Լեոնարդո ԴիԿապրիոն հեղինակավոր արձանիկը ստացավ վեցերորդ փորձից։ Ավելի վաղ նա «Օսկարի» հավակնորդ է եղել հինգ անգամ` 1994 թվականին «Երկրորդ պլանի տղամարդու լավագույն դեր» անվանակարգում «Ի՞նչն է տանջում Գիլբերտ Գրեյփին» ֆիլմի համար, 2005 թվականին` «Տղամարդու լավագույն դեր» անվանակարգում «Ավիատոր» ֆիլմի համար, 2007 թվականին` «Տղամարդու լավագույն դեր» անվանակարգում «Արյունոտ ալմաստ» ֆիլմի համար, 2014 թվականին` «Տղամարդու լավագույն դեր» անվանակարգում «Ուոլ Սթրիթի գայլը» ֆիլմի համար և «Լավագույն ֆիլմ» անվանակարգում այդ ժապավենի պրոդյուսինգի համար։ -0-