Սուրբ Վալենտինի օրվա առթիվ ՎիվաՍել-ՄՏՍ ընկերությունն անակնկալ է պատրաստել «ՎիվաՍել-ՄՏՍ բոնուս» ծրագրի մասնակիցների համար

ԵՐԵՎԱՆ, 13 փետրվարի. /ԱՌԿԱ/. ՎիվաՍել-ՄՏՍ ընկերությունը Սուրբ Վալենտինի օրվա առթիվ անակնկալ է պատրաստել «ՎիվաՍել-ՄՏՍ բոնուս» ծրագրի մասնակիցների համար, հայտնում են ընկերություն մամուլի ծառայությունից։

Ինչպես նշված է հաղորդագրության մեջ, փետրվարի 14-ին և 15-ին կարելի է փոխանակել «ՎիվաՍել-ՄՏՍ բոնուս» ծրագրով կուտակած միավորները հատուկ տոնական նվերի հետ, որը ներառում է 100 ներցանցային րոպե, 100 ներցանցային SMS հաղորդագրություն և 100 ՄԲ ինտերնետ: Եվ այս ամենի համար անհրաժեշտ է ընդամենը 100 բոնուսային միավոր:

Կուտակած միավորները կարելի է ստուգել առցանց` «ՎիվաՍել-ՄՏՍ բոնուսի» էջից, հավաքելով *505*100# հրահանգն ու սեղմելով զանգահարելու կոճակը,    ուղարկելով STAT բառը 5050 կարճ համարին

Յուրաքանչյուր բաժանորդ կարող է միայն մեկ անգամ օգտվել նշված տոնական նվերի հնարավորությունից:

Ընկերությունից հիշեցնում են, որ «ՎիվաՍել-ՄՏՍ բոնուս» ծրագրին մասնակցելու համար անհրաժեշտ է գրանցվել` ուղարկելով BONUS բառը 5050 կարճ համարին, հավաքելով *505# հրահանգը կամ այցելելով «Ինտերնետ օգնական» պորտալ:

ՎիվաՍել-ՄՏՍ-ը (Ղ-Տելեկոմ ՓԲԸ) Հայաստանի շարժական կապի առաջատար օպերատոր է, որն ունի 2G/3.75G/4G ցանց և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: -0-